ବାରିପଦା:ମୟୂରଭଞ୍ଜରେ ମର୍ମନ୍ତୁଦ ସଡକ ଦୁର୍ଘଟଣା, ପୋଲିସ ଗାଡିକୁ ଧକ୍କା ଦେଲା ଘୁଷୁରୀ ବୋଝେଇ ଟ୍ରକ । ୧୮ ନମ୍ବର ଜାତୀୟ ରାଜପଥ ବାରିପଦା ଟାଉନ ପାଲବଣି ନିକଟରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି । ଏକ ଟ୍ରକରେ ଘୁଷୁରୀ ବୋଝେଇ ହୋଇ ଯାଉଥିବା ବେଳେ ପୋଲିସ ଗାଡିକୁ ଧକ୍କା ଦେବାରୁ ଦୁଇ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି ।
ମିଳିଥିବା ସୂଚନା ଅନୁଯାୟୀ, ବାରିପଦା ସ୍ଥିତ ପାଲବଣି ନିକଟରେ କେସିପୁର ଫାଣ୍ଡିର ଏକ ପୋଲିସ ଗାଡି NH18 ଦେଇ ବାରିପଦାରୁ କେସିପୁର ଫାଣ୍ଡିକୁ ଯାଉଥିଲା । ଏହି ସମୟରେ ବିପରୀତ ଦିଗରୁ ଆସୁଥିବା ଏକ ଘୁଷୁରୀ ବୋଝେଇ ଗାଡି ସହିତ ମୁହାଁମୁହିଁ ଧକ୍କା ହୋଇଥିଲା । ଫଳରେ ଏହି ଦୁର୍ଘଟଣା ପରେ ୨ଜଣ ପୋଲିସ କର୍ମଚାରୀ ଆହତ ହୋଇଥିଲେ । ଏହି ସେମାନଙ୍କ ମଧ୍ୟରୁ ଜଣେ ମହିଳା ପୋଲିସ କର୍ମଚାରୀ ରହିଥିବା ବେଳେ ଜଣେ ଓ ଜଣେ ପୁରୁଷ ପୋଲିସ କର୍ମଚାରୀ ରହିଛନ୍ତି । ତେବେ ଦୁର୍ଘଟଣା ସମୟରେ ପାଖରେ ଥିବା ସ୍ଥାନୀୟ ଲୋକେ ଦୁଇ ଆହତ ପୋଲିସ କର୍ମୀଙ୍କୁ ଏକ ଯାତ୍ରୀବାହୀ ଅଟୋ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲରେ ଭର୍ତ୍ତି କରିଥିଲେ ।
ଏହି ଦୁର୍ଘଟଣାରେ ପୋଲିସ ଗାଡିଟି ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ ଘଟଣାସ୍ଥଳରେ ବାରିପଦା ପୋଲିସ ପହଞ୍ଚି ଘୁଷୁରୀ ବୋଝେଇ ଟ୍ରକଟିକୁ ଅଟକ ରଖିଛି । ତେବେ ରାସ୍ତାରେ ଡାଇଭର୍ସନ ନଥିବା ଯୋଗୁଁ ବାରମ୍ବାର ଏପରି ଦୁର୍ଘଟଣା ଘଟୁଛି । ପ୍ରଶାସନ ଏଥିପ୍ରତି ଦୃଷ୍ଟି ନ ଦେବାରୁ ଅକାଳରେ ଅନେକ ଧନ ଜୀବନ ହାନି ଘଟୁଥିବାର ସ୍ଥାନୀୟ ଲୋକ ମାନେ କହିଛନ୍ତି ।