ଭେଟେରାନ୍ ଅଭିନେତା ବିଜୟ ମହାନ୍ତିଙ୍କୁ ହରିବୋଲ ପ୍ରଡକ୍ସନର ଶ୍ରଦ୍ଧାଞ୍ଜଳୀ

ବାରିପଦା ମାଟିରେ ଭେଟେରାନ ଓଲିଉଡ ଅଭିନେତା ବିଜୟ ମହାନ୍ତିଙ୍କୁ ଶ୍ରଦ୍ଧାଞ୍ଜଳୀ । ଏହି ଶ୍ରଦ୍ଧାଞ୍ଜଳି ସଭାରେ ଓଡ଼ିଆ ସିନେମା ଜଗତର ବରିଷ୍ଠ କଳାକାର ଅସିତ ପତି, ଓଡ଼ିଆ ଅଭିନେତା ଅନୁପ ସାହା, ସନ୍ତୋଷ ମହାନ୍ତି, ସୁନୀଲ ଜେନା ପ୍ରମୁଖ ସାମିଲ ହୋଇଥିଲେ । ଆଉ ତାଙ୍କ ଫଟୋରେ ପୁଷ୍ପ ଅର୍ପଣ କରିବା ସହ ବିଜୟଙ୍କ ଆତ୍ମାର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରିଥିଲେ ।

ବାରିପଦା: ଜୁଲାଇ 20ରେ ଭେଟେରାନ ଓଲିଉଡ ଅଭିନେତା ବିଜୟ ମହାନ୍ତିଙ୍କ ପରଲୋକ ହୋଇଛି । ତାଙ୍କ ବିୟୋଗ ଓଡ଼ିଆ ନାଟକ ତଥା ସିନେ ଜଗତରେ ଏକ ଅପୂରଣୀୟ କ୍ଷତି ହୋଇଛି ।

ଆଜି ବି ବିଜୟ ମହାନ୍ତିଙ୍କୁ ଝୂରି ହେଉଛନ୍ତି କଳାକାରମାନେ । ଏହି ଅବସରରେ ବାରିପଦା ଠାରେ ହରିବୋଲ ପ୍ରଡକ୍ସନ ପକ୍ଷରୁ ତାଙ୍କୁ ଶ୍ରଦ୍ଧାଞ୍ଜଳୀ ଦିଆଯାଇଛି । ଏହି ଶ୍ରଦ୍ଧାଞ୍ଜଳି ସଭାରେ ଓଡ଼ିଆ ସିନେମା ଜଗତର ବରିଷ୍ଠ କଳାକାର ଅସିତ ପତି, ଓଡ଼ିଆ ଅଭିନେତା ଅନୁପ ସାହା, ସନ୍ତୋଷ ମହାନ୍ତି, ସୁନୀଲ ଜେନା ପ୍ରମୁଖ ସାମିଲ ହୋଇଥିଲେ । ଆଉ ତାଙ୍କ ଫଟୋରେ ପୁଷ୍ପ ଅର୍ପଣ କରିବା ସହ ବିଜୟଙ୍କ ଆତ୍ମାର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରିଥିଲେ ।

ତେବେ ସ୍ବର୍ଗତ ବିଜୟ ମହାନ୍ତି ବାରିପଦା ଠାରେ ପାଠ ପଢ଼ିବା ସହ ପିଲାଦିନ ଏଇଠି କାଟି ଥିବାରୁ ବାରିପଦା ମାଟି ଏବେ ବି ବିଜୟ ମହାନ୍ତିଙ୍କୁ ଝୁରୁଛି ବୋଲି କହିଛନ୍ତି ଓଡ଼ିଆ ସିନେ ଜଗତର କଳାକାରମାନେ ।

ପ୍ରକାଶ ଥାଉ କି, ବିଜୟ ମହାନ୍ତି ପଲସ ଜନିତ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଚିକିତ୍ସା ପାଇଁ ଭୁବନେଶ୍ବରର ଏକ ଘରୋଇ ହସ୍ପିଟାଲ ନିଆଯାଇଥିଲା । ମାତ୍ର ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ