ରାଇରଙ୍ଗପୁର: ଦୀର୍ଘ ଦିନ ଧରି ନାବାଳିକା ସହ ଶାରୀରିକ ସମ୍ପର୍କ ରଖିବା ଏବଂ ହତ୍ୟା ଧମକ ଅଭିଯୋଗରେ ଯୁବକ ଗିରଫ। ଏପରି ଏକ ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଅଞ୍ଚଳରେ।
ନାବାଳିକାକୁ ଗର୍ଭବତୀ କରି ଗର୍ଭପାତ ପାଇଁ ଚେଷ୍ଟା ଓ ହତ୍ୟା ଧମକ ଦେଇ ଅଭିଯୁକ୍ତ ଯୁବକକୁ ଗିରଫ କରିଛି ରାଇରଙ୍ଗପୁର ଗ୍ରାମାଞ୍ଚଳ ଥାନା ପୋଲିସ। ଗିରଫ ହୋଇଥିବା ଅଭିଯୁକ୍ତ ଯୁବକ ଜଣକ ବହଳଦା ଥାନା କୁମ୍ଭୀରଦା ଗ୍ରାମର ବେଟା ନାୟକ ବୋଲି ପୋଲିସ ସୂଚନା ଦେଇଛି।
ସୂଚନା ଅନୁଯାୟୀ ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଞ୍ଚଳର ଜଣେ ନାବାଳିକା ସହିତ ଦୀର୍ଘ ମାସ ଧରି ବଳପୂର୍ବକ ଶାରୀରିକ ସମ୍ପର୍କ ରଖିଥିଲା ଅଭିଯୁକ୍ତ ଯୁବକ ଜଣକ। ନାବାଳିକା ଜଣକ ଗର୍ଭବତୀ ହେବା ପରେ ବିବାହ କରିବାକୁ ପ୍ରତିଶୃତି ଦେଇ ଗର୍ଭପାତ କରାଇବାକୁ ଚେଷ୍ଟା କରି ବିଫଳ ହେବାରୁ ହତ୍ୟା କରିବାକୁ ଧମକ ଦେଉଥିଲା ଅଭିଯୁକ୍ତ।
ଏ ସମ୍ପର୍କରେ ନାବାଳିକାର ପରିବାର ଲୋକେ ଜାଣିବା ପରେ ରାଇରଙ୍ଗପୁର ଗ୍ରାମାଞ୍ଚଳ ଥାନାରେ ଏକ ଲିଖିତ ଅଭିଯୋଗ କରିଥିଲେ। ତେବେ ରାଇରଙ୍ଗପୁର ଗ୍ରାମାଞ୍ଚଳ ଥାନା ପୋଲିସ ଅଭିଯୁକ୍ତକୁ ତାଙ୍କ ନିଜ ଗ୍ରାମରୁ ଗିରଫ କରି ବାରିପଦା ସ୍ଥିତ ପୋକ୍ସୋ କୋର୍ଟ ଚାଲାଣ କରିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ