ରାଇରଙ୍ଗପୁର: ମହାମାରୀ କୋରୋନାରୁ ରକ୍ଷା ପାଇବା ପାଇଁ ଆଦିବାସୀଙ୍କ ପୂଜାସ୍ଥଳ ଜାହିର୍ ପୀଠରେ ପୂଜାପାଠ କଲେ ଗ୍ରାମବାସୀ । ମୟୂରଭଞ୍ଜ ଜିଲ୍ଲା ବହଳଦା ବ୍ଲକ ଅନ୍ତର୍ଗତ ଗିଦିଘାଟି ଗ୍ରାମପଞ୍ଚାୟତର ଗିଦିଘାଟୀ ଏବଂ ତାରଣା ଗ୍ରାମର ଲୋକେ କୋରୋନା ମହାମାରୀରୁ ରକ୍ଷା ପାଇବା ପାଇଁ ଆଦିବାସୀଙ୍କ ପୂଜାସ୍ଥଳୀ ଜାହିରା ପୀଠରେ ପୂଜାର୍ଚ୍ଚନା କରିଛନ୍ତି ।
କୋରୋନାରୁ ରକ୍ଷା ପାଇବା ପାଇଁ ଜାହିର୍ ପୀଠରେ ପୂଜାର୍ଚ୍ଚନା କଲେ ଆଦିବାସୀ
ଗତ ବର୍ଷ କୋରୋନାରେ ଆଜି ପର୍ଯ୍ୟନ୍ତ ତାଙ୍କ ଗ୍ରାମରେ କେହି ଜଣେ ମଧ୍ୟ କୋରୋନାରେ ଆକ୍ରାନ୍ତ ହୋଇ ନଥିବା ଗ୍ରାମବାସୀ ପ୍ରକାଶ କରିଛନ୍ତି । ଏଣୁ ରବିବାର ଗିଦିଘାଟି ମାଝୀବାବା(ଗ୍ରାମ ମୂଖ୍ୟ) ଭଜରାୟ ହାଁସଦାଃଙ୍କ ନେତୃତ୍ବରେ ଗ୍ରାମ ନାୟକ(ପୂଜକ) ଜୀତ୍ ମୋହନ ମାର୍ଣ୍ଡି ମାନସିକ ସୁଝିବା ଉଦ୍ଦେଶ୍ୟରେ ପୂଜାପାଠ କରି ଆଦିବାସୀଙ୍କ ପରମ୍ପରା, ରୀତିନୀତି ଓ ବିଶ୍ବାସ ଅନୁସାରେ ଛେଳି,କୁକୁଡା ଆଦି ବଳି ଦିଆଯିବା ସହିତ ହାଣ୍ଡିଆ ପୂଜା କରାଯାଇ ପୂଜାପାଠ ସମ୍ପନ୍ନ କରାଯାଇଥିଲା ।