ବାରିପଦା: ବେତନଟି ଥାନା ଅନ୍ତର୍ଗତ ବାରମାଇଲସ୍ଥିତ ଶିବ ମନ୍ଦିର ପାହାଚରେ ଜନୈକ ଯୁବକଙ୍କ ବସିଥିବା ଅବସ୍ଥାରେ ମୃତ୍ୟୁ ଘଟିଛି । କିଭଳି ଭାବେ ଯୁବକଙ୍କ ମୃତ୍ୟୁ ଘଟିଲା ତାହା କାହାକୁ ଜଣାନାହିଁ । ସୂଚନାନୁସାରେ ମୋରଡ଼ା ବ୍ଲକ ଭାଲିଆଡିହା ପଞ୍ଚାୟତର ନିଚୁଆପଦା ଗାଁର ସନ୍ତୋଷ ମହାନ୍ତ (୨୫) ଟିବି ରୋଗରେ ଆକ୍ରାନ୍ତ ହୋଇ ଜରାଜୀର୍ଣ୍ଣ ହୋଇପଡିଥିଲେ ।
ମନ୍ଦିର ବେଢ଼ାରେ ଗଲା ଯୁବକଙ୍କ ଜୀବନ
ତେବେ ଗତ ଶୁକ୍ରବାର ସନ୍ଧ୍ୟାରେ ଘରୁ ବାହାରି ଆଉ ଘରକୁ ଫେରିନଥିଲେ । ପରିବାର ଲୋକେ ବହୁ ଖୋଜା ଖୋଜି କରିବା ସମୟରେ ହଠାତ ପରିବାର ଲୋକେ ଖବର ପାଇ ବାରମାଇଲ ଶିବ ମନ୍ଦିର ପାହାଚ ଉପରେ ଜନୈକ ଯୁବକଙ୍କ ମୃତଦେହ ପଡି ରହିଥିବା ଦେଖିବାକୁ ପାଇଥିଲେ । ଖବର ପାଇ ବେତନଟି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।