ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କୁସୁମୀ ବ୍ଳକ ଅଧିନ ଧାଙ୍ଗିଡିମୁତା ଗ୍ରାମପଞ୍ଚାୟତର ମହିଳା ସରପଞ୍ଚ ପ୍ରୟୋଗ କଲେ ଜିଲ୍ଲାପାଳ କ୍ଷମତା । ଜିଲ୍ଲାପାଳଙ୍କ କ୍ଷମତା ପ୍ରୟୋଗ କରି ସକାଳ ୬ ଟା ସମୟରୁ ରାତି ୧୦ଟା ସମୟ ପର୍ଯ୍ୟନ୍ତ ୧୬ ଘଣ୍ଟା ଧାଙ୍ଗିଡିମୁତା ଗ୍ରାମପଞ୍ଚାୟତକୁ ସଟଡାଉନ ଘୋଷଣା କଲେ ମହିଳା ସରପଞ୍ଚ ସୁଲୋଚନା ହେମ୍ବ୍ରମ ।
ନିକଟସ୍ଥ ଚାକିଡି ଗ୍ରାମପଞ୍ଚାୟତରେ କିଛି ଦିନ ପୂର୍ବରୁ ଜଣେ ଓ ଶନିବାର ୬ ଜଣ କୋରୋନା ଆକ୍ରାନ୍ତ ଚିହ୍ନଟ ହେବା ପରେ ରବିବାର ବାଦାମପାହାଡ଼ ସାପ୍ତାହିକ ହାଟ ଥିବାରୁ ଗୋଷ୍ଠୀ ସଂକ୍ରମଣକୁ ଆଶଙ୍କା କରି ସକାଳ 6 ରୁ ରାତି 10 ପର୍ଯ୍ୟନ୍ତ ସଟଡାଉନ ଘୋଷଣା କରିଛନ୍ତି । ତେବେ ସଟଡାଉନ ଘୋଷଣା ଯୋଗୁଁ ସାପ୍ତାହିକ ହାଟ ବନ୍ଦ ରହିବା ସହ ଗାଡି ଚଳାଚଳ ଓ ଦୋକାନ ବଜାର ମଧ୍ୟ ବନ୍ଦ ରହିଛି । ତେବେ ଜଣେ ମହିଳା ସରପଞ୍ଚଙ୍କ ଏପରି ପଦକ୍ଷେପ କୁ ସ୍ଥାନୀୟ ଲୋକେ ସ୍ଵାଗତ ଜଣାଇବା ସହ ତାଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
