ରାଇରଙ୍ଗପୁର: ସିଏଏ ଓ ଏନଆରସିକୁ ବିରୋଧ କରି ବୁଧବାର ରାଇରଙ୍ଗପୁର ବନ୍ଦ । ବହୁଜନ ମୁକ୍ତି ମୋର୍ଚ୍ଚା ପକ୍ଷରୁ ବନ୍ଦ ପାଳନ କରାଯାଉଥିବାବେଳେ, ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ବନ୍ଦକୁ ସମର୍ଥନକାରୀ ଓ ବିରୋଧଙ୍କ ମଧ୍ୟରେ ଉତ୍ତେଜନା ଦେଖାଯିବା ସହ ହାତାହାତି ସ୍ଥିତି ଉପୁଜିଥିଲା ।
ବନ୍ଦ ପାଳନ ବେଳେ ରାଇରଙ୍ଗପୁରରେ ଉତ୍ତେଜନା, ଖେଳନା ପିସ୍ତଲ ସହ 5 ଅଟକ
ବନ୍ଦ ସମର୍ଥନକାରୀ ତଥା ସିଏଏ ଓ ଏନଆରସି ବିରୋଧୀ ଜାତୀୟ ପତାକାକୁ ଅସମ୍ମାନ କରୁଥିବା ଅଭିଯୋଗ କରି ବନ୍ଦକୁ ବିରୋଧ କରୁଥିଲେ ଲୋକେ ଉତ୍ତମମଧ୍ୟମ ଦେଉଥିବାର ଦେଖିବାକୁ ମିଳିଥିଲା । ଫଳରେ ଘଟଣାସ୍ଥଳରେ ରାଇରଙ୍ଗପୁର ଟାଉନ ଥାନା ପୋଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା । ଏହା ସହ 5 ଜଣ ବନ୍ଦ ସମର୍ଥନକାରୀଙ୍କୁ ଅଟକ ରଖିବା ସହ ଗୋଟିଏ ଖେଳନା ପିସ୍ତଲକୁ ଜବତ କରିଛି ପୋଲିସ । ଏପରିକି ସହରରେ ଶାନ୍ତିଶୃଙ୍ଖଳା ରକ୍ଷା କରିବା ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ।