ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ମଙ୍ଗଳବାରଠାରୁ ଟାଟା-ବାଦାମପାହାଡ଼ ଡିଇଏମୟୁ ଟ୍ରେନ ଚଳାଚଳ ଆରମ୍ଭ ହୋଇଛି । କୋରୋନା ମହାମାରୀ ତଥା ସଂକ୍ରମଣକୁ ଦୃଷ୍ଟିରେ ରଖି ଦୀର୍ଘ ୧୧ ମାସ ହେବ ଟ୍ରେନ ଚଳାଚଳ ବନ୍ଦ ରହିଥିଲା । ତେବେ ପୁଣି ଟ୍ରେନ ଚଳାଚଳ ଆରମ୍ଭ ହେବା ପରେ ଅଞ୍ଚଳବାସୀଙ୍କ ମଧ୍ୟରେ ଖୁସିର ବାତାବରଣ ଖେଳିଯାଇଥିବା ଦେଖିବାକୁ ମିଳିଛି ।
ଆଜିଠୁ ଗଡିଲା ଟାଟା-ବାଦାମପାହାଡ଼ ଡିଇଏମୟୁ ଟ୍ରେନ
ମଙ୍ଗଳବାରଠାରୁ ଟ୍ରେନ ଚଳାଚଳ ଆରମ୍ଭ ହୋଇଥିବା ବେଳେ ପୂର୍ବ ପରି ସକାଳ ୬ଟା ସମୟରେ ଝାଡ଼ଖଣ୍ଡର ଟାଟାନଗର ରେଳଷ୍ଟେସନରୁ ବାହାରି ବହଳଦା ରୋଡ଼, ଅଁଳାଯୋଡି, ଗୋରୁମହିଷାଣୀ ଷ୍ଟେସନ ଦେଇ ସକାଳ ୯ଟା ୨୩ ମିନିଟରେ ରାଇରଙ୍ଗପୁର ଷ୍ଟେସନ ପହଞ୍ଚିଥିଲା । ଏହାପରେ ରାଇରଙ୍ଗପୁର ଷ୍ଟେସନରୁ ବାହାରି କୁଲଡ଼ିହା, ଛଣୁଆ ଷ୍ଟେସନ ଦେଇ ଦିନ ୧୦ଟା ୧୫ ମିନିଟରେ ବାଦାମପାହାଡ ଷ୍ଟେସନରେ ପହଞ୍ଚିଛି ।