ରାଇରଙ୍ଗପୁର: ତିନିଗୋଟି ଦାବି ନେଇ ପଦଯାତ୍ରା ଆରମ୍ଭ କରିଛନ୍ତି ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ପରିଲ ପଞ୍ଚାୟତର ସତ୍ୟବ୍ରତ ଦାସ। ତେବେ ସେ ଗତ ଶୁକ୍ରବାର ମୟୁରଭଞ୍ଜ ଜିଲ୍ଲା ବିଜାତଳା ବ୍ଲକ ବିଡ଼ିଓଙ୍କୁ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିବା ପରେ ପଦଯାତ୍ରା କରି ଶନିବାର ରାଇରଙ୍ଗପୁର ବ୍ଲକରେ ପହଞ୍ଚିଛନ୍ତି ।
ସୂଚନା ଅନୁଯାୟୀ, ଓଡିଶାକୁ ସ୍ବତନ୍ତ୍ର ରାଜ୍ୟପାହ୍ୟା ମାନ୍ୟତା, ମହାନଦୀ ଜଳ ବିବାଦର ସମାଧାନ ଓ ପୋଲାଭରମ୍ ପ୍ରକଳ୍ପ ବନ୍ଦ ହେବା ଦାବି ନେଇ ସତ୍ୟବ୍ରତ ଏହି ପଦଯାତ୍ରା ଆରମ୍ଭ କରିଥିଲେ । ତେବେ ଗତ ଜୁଲାଇ ୧୦ରୁ ସେ ଯାଜପୁର ଜିଲ୍ଲା ବଡଚଣା ଠାରୁ ନିଜର ଏହି ପଦଯାତ୍ରା ଆରମ୍ଭ କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ତେବେ ଓଡ଼ିଶାର ୩୧୪ ଟି ବ୍ଲକକୁ ପଦଯାତ୍ରା କରି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିବା ତାଙ୍କର ମୂଳ ଲକ୍ଷ୍ୟ ରହିଛି । ସେ ଆଜି ସୁଦ୍ଧା ଅର୍ଥାତ୍ 74 ଦିନରେ 58 ଗୋଟି ବ୍ଲକ ପଦଯାତ୍ରା କରି ସାରିଲେଣି।