ରାଇରଙ୍ଗପୁର: ଆଜି ହେଉଛି ପବିତ୍ର ଗୁରୁ ଦିବସ । ଅଜ୍ଞାନ ରୂପି ଅନ୍ଧକାରକୁ ଆଲୋକିତ କରିବା ସହ ପ୍ରତ୍ୟେକ ମଣିଷର ପଥ ପ୍ରଦର୍ଶନ ଯିଏ କରିଥାନ୍ତି ସେ ହେଉଛନ୍ତି ଗୁରୁ । ତେବେ ସାରା ଦେଶ ଆଜି ଗୁରୁ ଦିବସ ପାଳନ କରୁଛି । ଏ ଅବସରରେ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରର ଅଁଳାଡୁବା ବାଦାମିବାଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପୂଜ୍ୟପୂଜା ସମାରୋହ ଅନୁଷ୍ଠିତ ହୋଇଯାଇଛି ।
ପବିତ୍ର ଗୁରୁ ଦିବସ ଉପଲକ୍ଷେ ଅବସରପ୍ରାପ୍ତ ଶିକ୍ଷକ ଶିକ୍ଷୟିତ୍ରୀଙ୍କୁ ସମ୍ବର୍ଦ୍ଧିତ
ଏ ଉତ୍ସବରେ ସ୍କୁଲର ପ୍ରଧାନ ଶିକ୍ଷକ, ଶିକ୍ଷକ, ଶିକ୍ଷୟିତ୍ରୀ ଓ ଛାତ୍ରଛାତ୍ରୀମାନେ ଭାରତର ପୂର୍ବତନ ରାଷ୍ଟ୍ରପତି ସର୍ବପଲ୍ଲୀ ରାଧାକୃଷ୍ଣନଙ୍କ ଫୋଟୋ ଚିତ୍ରରେ ମାଲ୍ୟାର୍ପଣ କରି ଧୂପ ଦୀପ ପ୍ରଜ୍ବଳନ କରିଥିଲେ । ତେବେ ବାପା ମାଆଙ୍କ ପରେ ଗୁରୁଙ୍କ ଭୂମିକା ବିଷୟରେ ନିଜ ନିଜ ମତ ରଖିଥିଲେ ।