ରାଇରଙ୍ଗପୁର: ଆୟତ୍ତ ହେଉନି ଶିମିଳିପାଳ ନିଆଁ । ଆଜିବି ଜଳୁଛି ଶିମିଳିପାଳ ଅଭୟାରଣ୍ୟ । ଶିମିଳିପାଳର ଉଭୟ ଉତ୍ତର ଓ ଦକ୍ଷିଣ ଅଞ୍ଚଳରେ ନିଆଁଲିଭା କାର୍ଯ୍ୟ ଜାରି ରହି ଥିବାବେଳେ ନିଆଁକୁ ଆୟତ୍ତ କରି ପାରୁନାହିଁ ବନବିଭାଗ କିମ୍ବା ଅଗ୍ନିଶମ ବିଭାଗ ।
ଅଣାୟତ୍ତ ଶିମିଳିପାଳ ନିଆଁ: ରାଜ୍ୟ ସରକାରଙ୍କୁ ଦାୟୀ କଲେ ବିଧାୟକ
ଶୁକ୍ରବାର ଏବଂ ଶନିବାର ମଧ୍ୟ ଫରେଷ୍ଟ ସର୍ଭେ ଓଫ୍ ଇଣ୍ଡିଆର ସାଟେଲାଇଟ ରିପୋର୍ଟ ଅନୁଯାୟୀ ଯଶିପୁର ବନ୍ୟପ୍ରାଣୀ କାର୍ଯ୍ୟାଳୟର ଗୁରୁଗୁଡ଼ିଆ, ବରେହିପାଣି, ତାଳବନ୍ଧ, କେନ୍ଦୁମୁଣ୍ଡି, ସାତକୋଶିଆ, ଠାକୁରମୁଣ୍ଡା ରେଞ୍ଜ ଅଞ୍ଚଳରେ ବିଶେଷ ସୂତ୍ରରୁ ମିଳିଥିବା ଖବର ଅନୁଯାୟୀ ଆଜି ପୁଣି ୯୦ ରୁ ଅଧିକ ଜାଗାରେ ନିଆଁ ଲାଗିଛି । ନିଆଁକୁ ଆୟତ୍ତ କରିବାକୁ ଅଗ୍ନିଶମ ବିଭାଗର ୫ ଟି ଟିମ ଶିମିଳିପାଳ ଅଭୟାରଣ୍ୟକୁ ଯାଇଛନ୍ତି ।