ବାରିପଦା: ଏକ ଦୈନିକ ଖବରକାଗଜରେ ଭୁଲ ଫଳାଫଳ ଘୋଷଣାକୁ ନେଇ ମୟୂରଭଞ୍ଜ ଜିଲ୍ଲା ଶମାଖୁଣ୍ଟା ବ୍ଲକରେ ବିଡିଓଙ୍କୁ ମରଣାନ୍ତକ ଆକ୍ରମଣ । ଆଜି(ବୁଧବାର) ଏକ ଆଗଧାଡ଼ିର ଦୈନିକ ଖବରକାଗଜରେ ମୟୂରଭଞ୍ଜ ଜିଲ୍ଲା ଶମାଖୁଣ୍ଟା ବ୍ଲକ ବାଲଢିଆ ଗ୍ରାମପଞ୍ଚାୟତର ସରପଞ୍ଚ ପଦବୀ ପାଇଁ କବିତା ନାୟକଙ୍କୁ ବିଜୟୀ ଭାବେ ଦର୍ଶାଇଛି । କିନ୍ତୁ ଶମାଖୁଣ୍ଟା ବ୍ଲକ ପକ୍ଷରୁ ଶକୁନ୍ତଳା ନାୟକଙ୍କୁ ବିଜୟୀ ପ୍ରାର୍ଥୀ ଭାବେ ଘୋଷଣା କରାଯାଇଥିଲା ।
ଭୁଲ ନିର୍ବାଚନୀ ଫଳାଫଳକୁ ନେଇ ବିଡିଓଙ୍କୁ ମରଣାନ୍ତକ ଆକ୍ରମଣ
ଏହାକୁ ନେଇ କବିତା ନାୟକଙ୍କ ସମର୍ଥିତ କର୍ମୀ ବ୍ଲକ ଅଫିସ ଭିତରେ ବିଡିଓ ଯଶୋବନ୍ତ ବେହେରାଙ୍କୁ ଆକ୍ରମଣ କରିଛନ୍ତି । ଆକ୍ରମଣରେ ବିଡିଓ ଗୁରୁତର ଭାବେ ଆହତ ହୋଇଛନ୍ତି । ଘଟଣାସ୍ଥଳରେ ବାରିପଦା ସଦର ଥାନା ଅଧିକାରୀ ଓ ସଦର ଉପଖଣ୍ଡ ଅଧିକାରୀ ପହଞ୍ଚି ବିଡିଓଙ୍କୁ ଉଦ୍ଧାର କରିଥିଲା ।