ବାରିପଦା: ଆଜକୁ ୭୦ ବର୍ଷ ପୂର୍ବରୁ କୁଡୁମୀ ସମ୍ପ୍ରଦାୟକୁ ଅନୁସୂଚିତ ଜାତିରୁ ବାଦ ଦେଇଥିଲେ ସରକାର । ଏହାକୁ ବିରୋଧ କରି ଶୁକ୍ରବାର ବାରିପଦା, ରାଇରଙ୍ଗପୁର, କରଞ୍ଜିଆ ଓ ଉଦଳାଠାରେ କୁଡୁମୀ ସେନା ପାଳିଛି କଳା ଦିବସ । କୁଡୁମୀ ସେନାର ସଦସ୍ୟମାନେ ସେପ୍ଟେମ୍ବର ୬ ତାରିଖକୁ କଳା ଦିବସ ଭାବେ ପାଳନ କରିବା ସହିତ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ଳାରକପତ୍ର ପ୍ରଦାନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୁରଭଞ୍ଜ
୧୯୫୦ ମସିହାରେ ଅନୁସୂଚିତ ଜାତି ତାଲିକାରୁ କୁଡୁମୀ ସମ୍ପ୍ରଦାୟକୁ ବାଦ ଦେବା ପ୍ରତିବାଦରେ ପ୍ରତିବର୍ଷ ସେପ୍ଟମ୍ବର ୬ ତାରିଖକୁ କଳା ଦିବସ ଭାବେ ପାଳନ କରି ଆସୁଛନ୍ତି କୁଡୁମୀ ସେନା । ତେବେ ଏଥର ମଧ୍ୟ ଆଜିର ଦିନକୁ କଳା ଦିବସ ଭାବେ ପାଳନ ସହିତ କୁଡୁମୀ ସଂପ୍ରଦାୟ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ମୟୁରଭଞ୍ଜ ଜିଲ୍ଲାପାଳ ଓ ସମସ୍ତ ସବ ଡିଭିଜନର ଉପଜିଲ୍ଲାପାଳଙ୍କ ଜରିଆରେ ସ୍ମାରକପତ୍ର ପ୍ରଦାନ କରିଛନ୍ତି ।