ରାଇରଙ୍ଗପୁର: ମୟୂରଭଞ୍ଜ ବିଶୋଇ ଥାନା ଅନ୍ତର୍ଗତ ରାଜାବସା ଛକ ନିକଟରେ ଦୁର୍ଘଟଣା । ୪୯ ନଂ ଜାତୀୟ ରାଜପଥରେ ଏକ ସ୍କର୍ପିଓ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ପୋଖରୀ ମଧ୍ୟକୁ ଖସି ପଡିଛି । ସ୍କର୍ପିଓ ଟି ବିଶୋଇ ପଟୁ ବାରିପଦା ଅଭିମୁଖେ ଯାଉଥିଲା ।
ତେବେ ଏହା ଦେଖି ସ୍ଥାନୀୟ ଲୋକେ ବିଶୋଇ ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହିତ ଗାଡିକୁ ଉଦ୍ଧାର କରିଥିଲା । କିନ୍ତୁ ଘଟଣାସ୍ଥଳରୁ ସ୍କର୍ପିଓରେ ଥିବା କୌଣସି ଯାତ୍ରୀ ଓ ଚାଳକର ପତ୍ତା ମିଳିପାରି ନଥିବାବେଳେ ସେମାନେ ସମସ୍ତେ ଫେରାର ହୋଇଯାଇଥିବା ପୋଲିସ ଅନୁମାନ କରୁଛି । ପ୍ରାଥମିକ ତଦନ୍ତରୁ ସ୍କର୍ପିଓଟି ଭୁବନେଶ୍ୱର ଅଞ୍ଚଳର ବୋଲି ସୂଚନା ମିଳିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ