ବାରିପଦା: ମୟୂରଭଞ୍ଜ ଜିଲ୍ଲାରେ ପୂର୍ବତନ ବୈଜ୍ଞାନିକ ଶ୍ୟାମସୁନ୍ଦର ଶର୍ମାଙ୍କ ସଚେତନତା ରାଲି । ଦିନକୁ ଦିନ ପିଇବା ପାଣି, ବିଜୁଳି ସମସ୍ୟା ଦେଖିବାକୁ ମିଳୁଛି । ଆଉ ଏହି ସମସ୍ୟାକୁ ସହଜ ଓ ସରଳ ଉପାୟରେ ଲୋକେ କିପରି ଦୂର କରିପାରିବେ ସେ ନେଇ ଗବେଷଣା କରିଛନ୍ତି ବୈଜ୍ଞାନିକ । ଏହା ସହ ପାନୀୟ ଜଳ ଓ ବିଜୁଳି ଶସ୍ତାରେ କିପରି ଲୋକେ ପାଇବେ ସେନେଇ ମଧ୍ୟ ଶ୍ୟାମସୁନ୍ଦର ଗବେଷଣା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଏ ସବୁ ବିଷୟ ଉପରେ ବୈଜ୍ଞାନିକ ଶ୍ୟାମସୁନ୍ଦର ଏକ ବହି ମଧ୍ୟ ଲେଖିଥିବା ବେଳେ ସହରରେ ଏକ ରାଲି ମାଧ୍ୟମରେ ଲୋକଙ୍କୁ ସଚେତନ କରିଛନ୍ତି । ଅଯଥା ପିଇବା ପାଣି କିମ୍ବା ବିଜୁଳି ନଷ୍ଟ ନକରିବା ପାଇଁ ଉପଦେଶ ଦେଇଛନ୍ତି । ଅନ୍ୟପକ୍ଷରେ ନିଜେ ସହରରେ କିପରି ଲୋକେ ପୋଖରୀ ପାଣିରୁ ଶୁଦ୍ଧ ପାନୀୟ ଜଳ ପ୍ରସ୍ତୁତ କରିବେ ସେଥିପାଇଁ ଉପାୟ ବାହାର କରିଛନ୍ତି ସେ ।