ରାଇରଙ୍ଗପୁର: ମୟୁରଭଞ୍ଜ କରଞ୍ଜିଆ ବ୍ଳକ ବଡ଼ଗାଁ ଗ୍ରାମପଞ୍ଚାୟତରେ ଗତ କିଛି ଦିନ ପୂର୍ବରୁ ବଡ଼ଗାଁ ସରପଞ୍ଚଙ୍କ ସ୍ୱାମୀ ଭତ୍ତା ଟଙ୍କା ବାଣ୍ଟୁଥିବାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଉକ୍ତ ଗ୍ରାମପଞ୍ଚାୟରେ ପୂର୍ବରୁ ମଧ୍ୟ ବିଭିନ୍ନ ପ୍ରକାର ଦୁର୍ନୀତି ସମ୍ପର୍କରେ ଅଭିଯୋଗ ଆସିଥିବା ବେଳେ, ଏବେ ଭତ୍ତା ବଣ୍ଟା ଘଟଣା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ସରକାରୀ ନିୟମ କୁ ଫୁ କରି ସରପଞ୍ଚଙ୍କ ସ୍ୱାମୀ ନିଜେ ଭତ୍ତା ବାଣ୍ଟିବା, ଭତ୍ତା ବଣ୍ଟନ ସମୟରେ କୌଣସି ସରକାରୀ ଅଧିକାରୀ ନ ରହିବା ଭତ୍ତା ଏବଂ ବଣ୍ଟନରେ ସ୍ୱଚ୍ଛତାକୁ ନେଇ ଏବେ ଉଠିଛି ପ୍ରଶ୍ନ ।
ସରକାରୀ ନିୟମକୁ ଉଲ୍ଲଙ୍ଗନ କରି ଭତ୍ତା ବାଣ୍ଟିଲେ ସରପଞ୍ଚଙ୍କ ସ୍ୱାମୀ, ଭିଡ଼ିଓ ଭାଇରାଲ
ତେବେ କୌଣସି ସରକାରୀ ଅଧିକାରୀ ନ ଥାଇ ସାମାଜିକ ସୁରକ୍ଷା ଟଙ୍କା ବାଣ୍ଟିବା କେତେ ଯୁକ୍ତିଯୁକ୍ତ ? କାହା ନିର୍ଦ୍ଦେଶରେ ସରପଞ୍ଚଙ୍କ ସ୍ୱାମୀ ଏସବୁ କାର୍ଯ୍ୟ କରିବା ପାଇଁ ସାହସ କରୁଛନ୍ତି ? କିଏ ତାଙ୍କୁ ନିର୍ଦ୍ଦେଶ ଦେଇଛନ୍ତି ? ଏପରି କାର୍ଯ୍ୟ ସେ କିପରି କରୁଛନ୍ତି ତାହା ତଦନ୍ତ ସାପେକ୍ଷ ।