ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ପଞ୍ଚପୀଢ଼ ଉପଖଣ୍ଡରେ ଦିନକୁ ଦିନ ବଢ଼ିବାରେ ଲାଗିଛି ବେଆଇନ ବାଲି ଚାଲାଣ । ଏ ସମ୍ପର୍କରେ ଖବର ପାଇ ଆକ୍ସନ ମୁଡ଼ରେ ଏବେ କରଞ୍ଜିଆ ଏବଂ ଠାକୁରମୁଣ୍ଡା ତହସିଲଦାର। କରଞ୍ଜିଆ ଅଞ୍ଚଳର ନଦୀପଠାରେ ବେଆଇନ ଭାବେ ଦିନରାତି ବାଲି ଉତ୍ତୋଳନ ହେଉଥିବା ଖବର ପାଇବା ପରେ ବୁଧବାର ବିଭିନ୍ନ ସ୍ଥାନରେ ଚଢ଼ାଉ କରି 5ଟି ଟ୍ରାକ୍ଟର ଏବଂ 3ଟି ହାଇୱା ଜବତ କରିଛନ୍ତି କରଞ୍ଜିଆ ତହସିଲଦାର ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ଜବତ 3ଟି ଟ୍ରାକ୍ଟରକୁ 40 ହଜାର ଟଙ୍କା ଲେଖାଏଁ ଫାଇନ କରିଥିବା ବେଳେ ଗୋଟିଏ ଟ୍ରାକ୍ଟରକୁ 25 ହଜାର ଟଙ୍କା, ଗୋଟିଏ ଟିପରକୁ ମାତ୍ର 10 ହଜାର ଟଙ୍କା, ଗୋଟିଏ ହାଇୱାକୁ ୬୦ ହଜାର ଟଙ୍କା ଫାଇନ ଓ ଅନ୍ୟ 2ଟି ହାଇୱାକୁ ୩ ଲକ୍ଷ ଟଙ୍କା ଫାଇନ କାଟିଛନ୍ତି। ତେବେ ଗାଡ଼ି 2ଟିର ଫାଇନ ନ ଦେବା ସହ ଫରଜରୀ ଟ୍ରାଞ୍ଜିଟପାସ ରଖିଥିବା ହେତୁ ଗାଡି ମାଲିକଙ୍କ ବିରୋଧରେ କେସ କରିବା ପାଇଁ କରଞ୍ଜିଆ ଥାନାକୁ ଲିଖିତ ଅଭିଯୋଗ କରିଛନ୍ତି କରଞ୍ଜିଆ ତହସିଲଦାର ।