ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା କରଞ୍ଜିଆ ସହରରେ ଦିନକୁ ଦିନ ଲୁଟେରାମାନେ ସକ୍ରିୟ ହୋଇ ଉଠିଥିବା ଦେଖିବାକୁ ମିଳିଛି । ସାତଦିନ ପୂର୍ବରୁ ଜନୈକ ଅବସରପ୍ରାପ୍ତ ଶିକ୍ଷକଙ୍କ ଠାରୁ ଏକ ଲକ୍ଷ ଟଙ୍କା ଲୁଟ କରି ନେଇଥିବାବେଳେ ପୁଣି ଏକ ଘଟଣା ଆଜି ଦେଖିବାକୁ ମିଳିଛି ।
ସହରରେ ପୁଣି ଲୁଟେରା ସକ୍ରିୟ, ମହିଳାଙ୍କ ଠୁ ଝାମ୍ପିନେଲେ ସୁନା ଏବଂ ରୁପା ଥିବା ଏକ ବ୍ୟାଗ
କରଞ୍ଜିଆ ଥାନା ମିର୍ଗୀନାଣ୍ଡି ଗ୍ରାମର ଯନ୍ତ୍ରୀ ନାୟକ ନାମକ ମହିଳା କରଞ୍ଜିଆ ଷ୍ଟେଟ ବ୍ୟାଙ୍କରେ ନିଜର ସୁନା କାନ ଫୁଲ, ହାର ଏବଂ ରୂପାର ପାଉଁଜିକୁ ବନ୍ଧା ଦେଇ ଟଙ୍କା ନେବା ପାଇଁ ଷ୍ଟେଟ ବ୍ୟାଙ୍କକୁ ଯାଇଥିଲେ । ହେଲେ, ବ୍ୟାଙ୍କ କର୍ତ୍ତୃପକ୍ଷ ଉଚିତ ମୂଲ୍ୟ ନ ଦେବାରୁ ସେ ବ୍ୟାଙ୍କରୁ ଫେରୁଥିବାବେଳେ କରଞ୍ଜିଆର ରାଧେ ରାଧେ ଦୋକାନ ପାଖରୁ ଏକ ବାଇକରେ ଦୁଇ ଜଣ ଦୁର୍ବୃତ୍ତ ଆସି ମହିଳାଙ୍କ ବ୍ୟାଗକୁ ଝାମ୍ପି ନେଲେ ।