ରାଇରଙ୍ଗପୁର:ଗୋ ହତ୍ୟାକୁ କେନ୍ଦ୍ରକରି ରାସ୍ତା ଅବରୋଧ । ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ-ଠାକୁରମୁଣ୍ଡାରେ ଗୋହତ୍ୟା କରି ମାଂସ ଏବଂ ଚମଡାକୁ ନଦୀ ପୋଲ ନିକଟରେ ଫିଙ୍ଗିଦେବା ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ଚାପା ଉତ୍ତେଜନା ସୃଷ୍ଟି ହୋଇଛି । ଏହାକୁ ନେଇ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଛନ୍ତି ।
ଗୋ ହତ୍ୟାକୁ କେନ୍ଦ୍ରକରି ରାସ୍ତା ଅବରୋଧ
ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ-ଠାକୁରମୁଣ୍ଡା ୫୩ ନମ୍ବର ରାଜ୍ୟ ରାଜପଥ ମଣ୍ଡୁଆପୋଲ ନିକଟରେ ଦୁଇ ତିନିଟି ଗାଈକୁ ହତ୍ୟାକରି ଦୁର୍ବୃତ୍ତମାନେ ଗୋମାଂସ ନେଇଛନ୍ତି । ସେହିପରି ଗତ ଦୁଇ ତିନି ଦିନ ପୂର୍ବରୁ କାଦଡିହା, କୁଳିପୋଷି ଏବଂ ସିଙ୍ଗଡା ଅଞ୍ଚଳରେ ୧୦ ରୁ ଅଧିକ ଗାଈ ଚୋରି ହୋଇଥିବା ବେଳେ ପୋଲିସକୁ ଲିଖିତ ଅଭିଯୋଗ କରିଥିଲେ ସ୍ଥାନୀୟ ଲୋକେ । ହେଲେ ଆଜି ପର୍ଯ୍ୟନ୍ତ କୌଣସି ଅଭିଯୁକ୍ତକୁ ପୋଲିସ ଧରି ପାରିନାହିଁ । ଆଜି କିଛି ଗାଈ ବଳଦଙ୍କ ଚମଡା ଏବଂ କିଛି ମାଂସ ନଦୀପୋଲ ନିକଟରେ ମିଳିବାକୁ ନେଇ ଘଟଣା ସ୍ଥଳରେ ଚାପା ଉତ୍ତେଜନା ସୃଷ୍ଟି ହୋଇଛି ।