ରାଇରଙ୍ଗପୁର: ରାସ୍ତାର ଦୁଇ କଡରେ ବଡ ବଡ ଖାଲ । ବର୍ଷା ହୋଇକି ରାସ୍ତାରେ ଥିବା ଖାଲରେ ଜମିଛି ପାଣି। ଯିବା ଆସିବା କରିବାରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଏହି ଅସୁବିଧାର ସମାଧାନ ପାଇଁ ଆଗକୁ ଆସିଛନ୍ତି ରାଇରଙ୍ଗପୁର ଗାଁର କିଛି କୁନି କୁନି ପିଲା । କୁନି ହାତରେ ରାସ୍ତା ମରାମତି କରୁଥିବା ଭିଡିଓ ଭାଇରାଲ ହୋଇଛି ।
କୁନି ହାତରେ ରାସ୍ତା ସମତୁଲ କରି ସାଉଁଟିଲେ ପ୍ରଶଂସା
ମୟୁରଭଞ୍ଜ ଜିଲ୍ଲା କରଞ୍ଜଆ ଗ୍ରାମରେ ଥିବା ରାସ୍ତାର ଆବସ୍ଥା କହିଲେ ନ ସରେ । ରାସ୍ତାର ଖରାପ ଅବସ୍ଥା ପାଇଁ ଗାଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗାଁ ଲୋକଙ୍କୁ ଏପରି ଅସୁବିଧାରେ ଦେଖି ଗାଁର କିଛି କୁନି କୁନି ପିଲା ରାସ୍ତା ମରାମତି କରିଛନ୍ତି । ଗ୍ରାମବାସୀଙ୍କ ଯାତାୟାତ ନିମନ୍ତେ ଖାଲ ଗୁଡ଼ିକରୁ ପାଣି କାଢି ଶାବଳ, କୋଦାଳ, ଗାମଲା ସାହାଯ୍ୟରେ ମାଟି ତାଡି ଖାଲ ଢିପ ଗୁଡିକୁ ସମାନ କରି ସମାଜ ପାଇଁ ଏକ ଅନନ୍ୟ ଉଦାହରଣ ସୃଷ୍ଟି କରିଛନ୍ତି ପିଲାମାନେ ।