ରାଇରଙ୍ଗପୁର: କାର ଧକ୍କାରେ ଯୁବ ଠିକାଦାରଙ୍କ ମୃତ୍ୟୁ। ମୟୂରଭଞ୍ଜ ଜିଲ୍ଲା ବାଦାମପାହାଡ଼ ଥାନା ଅନ୍ତର୍ଗତ କୁଲଡିହା ଗ୍ରାମ ନିକଟ ସୁଲେଇପାଟ ଚୁଟ ଛକରେ ଏଭଳି ଘଟଣା ଦେଖିବାକୁ ମିଳିଛି। ମୃତ ଠିକାଦାର ଜଣକ ନାକି ଗ୍ରାମର ଧ୍ରୁବ ଚରଣ ନନ୍ଦ ବୋଲି ଜଣାପଡିଛି।
କାର ଧକ୍କାରେ ଯୁବ ଠିକାଦାରଙ୍କ ମୃତ୍ୟୁ
ସୂଚନା ଅନୁଯାୟୀ, ଧ୍ରୁବ ନିଜ ବାଇକ ଯୋଗେ କନଷ୍ଟ୍ରକସନ କାର୍ଯ୍ୟ ତଦାରଖ ପାଇଁ ଯାଉଥିଲେ। ସେହି ସମୟରେ କୁଲଡିହା ଚୁଟ ନିକଟରେ ବିପରୀତ ଦିଗରୁ ଦ୍ରୁତଗତିରେ ଆସୁଥିବା ଏକ ମାରୁତି ଭ୍ୟାନ ଧକ୍କା ଦେଇ ଘଟଣାସ୍ଥଳରୁ ଫେରାର ହୋଇ ଯାଇଥିଲା। ସ୍ଥାନୀୟ ଲୋକେ ଧ୍ରୁବକୁ ଗୁରୁତର ଅବସ୍ଥାରେ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।