ବାରିପଦା: ଟ୍ରକ ଧକ୍କାରେ ଜଣେ ମୃତ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟାଇଥିବା ଟ୍ରକର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି ।
ମର୍ମନ୍ତୁଦ ସଡକ ଦୁର୍ଘଟଣା ଜଣେ ମୃତ,ଜଣେ ଗୁରୁତର
ସୂଚନା ଅନୁଯାୟୀ, ଝାରପୋଖରିଆ ଥାନା ଅନ୍ତର୍ଗତ ୪୯ନମ୍ବର ଜାତୀୟ ରାଜପଥ ଜାମଶୋଳା ତନଖି ଫାଟକ ନିକଟରେ ରାସ୍ତା ପାର୍ଶ୍ଵରେ ଦୁଇ ଜଣ ଯୁବକ ଚାଲିଚାଲି ଘରକୁ ଯାଉଥିଲେ । ହେଲେ ଏକ ଲୁହା ପଥର ବୋଝେଇ ଟ୍ରକ ସେମାନଙ୍କୁ ଧକ୍କା ଦେଇଥିଲା । ଫଳରେ ସେଠାରେ ଜଣଙ୍କର ମୃତ୍ୟୁ ହୋଇଥିଲା । ମୃତକ ହେଲେ ନୂଆଗାଁର ଲବ ହାଁସଦା ବୋଲି ଜଣାପଡିଛି । ଗୁରୁତର ଜଣକ ବୀରକିଶୋର ହାଁସଦା ବୋଲି ସୂଚନା ମିଳିଛି ।