ଟ୍ରକ-ବାଇକ ମୁହାଁମୁହିଁ ଧକ୍କା, ମାମୁଁ ମୃତ ଭଣଜା ଗୁରୁତର

୧୮ ନମ୍ବର ଜାତୀୟ ରାଜପଥ ବେତନଟୀ ଥାନା ବୁଢ଼ୀଖମାରି ନିକଟରେ ଟ୍ରକ ଧକ୍କାରେ ବାଇକରେ ଯାଉଥିବା ମାମୁଁ ମୃତ ଭଣଜା ଗୁରୁତର । ଅଧିକ ପଢନ୍ତୁ...

ବାରିପଦା: ୧୮ ନମ୍ବର ଜାତୀୟ ରାଜପଥ ବେତନଟୀ ଥାନା ଅନ୍ତର୍ଗତ ବୁଢ଼ୀଖମାରି ନିକଟରେ ଟ୍ରକ ଓ ବାଇକ ମୁହାଁମୁହିଁ ଧକ୍କା । ଦୁର୍ଘଟଣାରେ ଘଟଣାସ୍ଥଳରେ ବାଇକ ଆରୋହିଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି ।

ସୂଚନା ଅନୁଯାୟୀ, ବାରିପଦା ସଦର ଥାନା ଅନ୍ତର୍ଗତ ରଙ୍ଗାମାଟିଆରୁ ମାମୁଁ ଓ ଭଣଜା ସାଙ୍ଗ ହୋଇ ରଜ ପର୍ବ ପାଇଁ ବାଲେଶ୍ଵର ନିଜ ବନ୍ଧୁଙ୍କ ଘରକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ଦୁର୍ଘଟଣାରେ ମାମୁଁ ସୁଚାରୁ ନାୟକ ଘଟଣାସ୍ଥଳରେ ମୃତ୍ୟୁ ବରଣ କରିଥିବା ବେଳେ ଭଣଜା ବାବଲୁ ନାୟକ ଗୁରୁତର ହୋଇଛନ୍ତି। ତେବେ ଗୁରୁତର ବାବଲୁଙ୍କୁ ଚିକିତ୍ସା ପାଇଁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜ ଏଣ୍ଡ ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପକ୍ଷରେ ଘଟଣାସ୍ଥଳରେ ବେତନଟୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ