ରାଇରଙ୍ଗପୁର: ଟଙ୍କା ଆତ୍ମସାତ କରି ଗିରଫ ହେଲେ ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣୀ ବିଶ୍ୱେଶ୍ୱର ଗିରି । ମୟୁରଭଞ୍ଜ ଜିଲ୍ଲା କରଞ୍ଜିଆ ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣୀ ଭାବେ କାର୍ଯ୍ୟ କରୁଥିବା ବିଶ୍ୱେଶ୍ୱର ଗିରିକୁ ଗିରଫ କରିଛି ରରୁଆଁ ଥାନା ପୋଲିସ । ଲକ୍ଷାଧିକ ସରକାରୀ ଅର୍ଥ ଆତ୍ମସାତ କରିଥିବାର ସଂଗୀନ୍ ଅଭିଯୋଗ ପରେ ଗିରଫ କରିଛି ପୋଲିସ।
ସରକାରୀ ଟଙ୍କା ଆତ୍ମସାତ, ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣୀ ଗିରଫ
ବିଭିନ୍ନ ସମୟରେ ସରକାରୀ ୫ ଲକ୍ଷ ୫୪ ହଜାର ଟଙ୍କା ହେରାଫେରି କରିଥିବା ଜଣାପଡିବା ପରେ ଥାନାରେ ମାମଲା ରୁଜୁ କରିଥିଲେ ରରୁଆଁ ତହସିଲଦାର। ବିଶ୍ୱେଶ୍ୱର ଗିରି ପୂର୍ବରୁ ରରୁଆଁ ତହସିଲରେ କିରାଣୀ ଭାବେ କାର୍ଯ୍ୟ କରୁଥିବା ସମୟରେ ଏହି ଅର୍ଥ ଆତ୍ମସାତ କରିଥିବାର ଅଭିଯୋଗ ହୋଇଥିଲେ ।