ରାଇରଙ୍ଗପୁରରେ ନୂତନ ମୋଟରଯାନ ସଚେତନତା ଶୋଭାଯାତ୍ର

ଦେଶରେ କାର୍ଯ୍ୟକାରୀ ହୋଇଥିବା ନୂତନ ମୋଟର ଯାନ ଆଇନକୁ ନେଇ ସାରା ଦେଶରେ ଭୟର ବାତାବରଣ ଦେଖା ଦେଇଥିବା ବେଳେ ରାଇରଙ୍ଗପୁର ପୋଲିସ ଜନସାଧାରଣଙ୍କୁ ସଚେତନତା କରିଛି ।

ରାଇରଙ୍ଗପୁର: ନୂତନ ମୋଟରଯାନ ସଂଶୋଧନ ଆଇନ 2019 ଲାଗୁ ହେବାପରେ ମୟୁରଭଞ୍ଜ ଜିଲ୍ଲାର ରାଇରଙ୍ଗପୁର ଆଦର୍ଶ ଥାନା ଓ ଆଞ୍ଚଳିକ ପରିବହନର ମିଳିତ ଆନୁକୂଲ୍ୟରେ ଜନ ସଚେତନତା କାର୍ଯକ୍ରମ ଅନୁଷ୍ଠିତ ହୋଇଯାଇଛି I

ରାଇରଙ୍ଗପୁର ଆଦର୍ଶ ଥାନା ଓ ଆଞ୍ଚଳିକ ପରିବହନ ସହ ବିଭିନ୍ନ ଶିକ୍ଷାନୁଷ୍ଠାନର ଶତାଧିକ ଏନସିସି, ଏନଏସଏସ ଓ ସ୍ବେଛାସେବୀ ଯୋଗ ଦେଇ ନୂତନ ମୋଟର ଯାନ ସଂଶୋଧନ ଆଇନ ବାବଦରେ ଜନସାଧାରଣଙ୍କୁ ଅବଗତ କରାଇଥିଲେ । ଏଥିପାଇଁ ରାଇରଙ୍ଗପୁର ଆଦର୍ଶ ଥାନରୁ ଏକ ରାଲିରେ ବାହାରି ସହର ପରିକ୍ରମା କରିଥିଲେ I ଡାକବାଜି ଯନ୍ତ୍ର ଦ୍ଵାରା ଲୋକଙ୍କୁ ସଚେତନ କରିବା ସହ ଛାତ୍ରଛାତ୍ରୀ ସଚେତନତା ପାଇଁ ବିଭିନ୍ନ ସ୍ଲୋଗାନ ଦେଇ ସହର ପରିକ୍ରମା କରିଥିଲେ।

ମୋଟର ଯାନ ଆଇନ ଖିଲାପକାରୀଙ୍କୁ ବିଭିନ୍ନ ଛକରେ ପୋଲିସ ଅଟକାଇ ଲିଫଲେଟ ପ୍ରଦାନ କରି ନିୟମ ପାଳନ କରିବାକୁ ଅନୁରୋଧ କରିବା ସହ ପରବର୍ତ୍ତୀ ସମୟରେ ନିୟମ ଖିଲାପ କଲେ ଚାଲାଣ କଟାଯିବା ନେଇ ଲୋକଙ୍କୁ ଚେତାଇଥିଲା ।

ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ