ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପ କାରାଗାରରେ ଆଜୀବନ କାରାଦଣ୍ଡ ଭୋଗୁଥିବା ଜନୈକ କଏଦୀଙ୍କ ମୃତ୍ୟୁ ଘଟିଛି । ମୃତ କଏଦୀ ଜଣକ ତିରିଂ ଥାନା ଅନ୍ତର୍ଗତ ସାପଘେରା ଗ୍ରାମର ଡମାନ ମାରାଣ୍ଡି ବୋଲି ଜଣାପଡି଼ଛି । କାରାଗାରରେ ଥିବା ସମୟରେ କଏଦୀ ଜଣକ ସାଇକୋସିସ୍ ଏବଂ ଟିବି ରୋଗରେ ପୀଡିତ ହୋଇ ଚିକିତ୍ସିତ ହେଉଥିବାବେଳେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି ।
ଆଜୀବନ କାରାଦଣ୍ଡ ଭୋଗୁଥିବା ଜନୈକ କଏଦୀଙ୍କ ମୃତ୍ୟୁ, ତଦନ୍ତ ଜାରି
ମୃତ କଏଦୀ ଡମାନ ଏକ ହତ୍ୟା ଘଟଣାରେ ରାଇରଙ୍ଗପୁର ଉପ କାରାଗାରରେ ଆଜୀବନ କାରାଦଣ୍ଡ ଭୋଗୁଥିଲେ । ୨୦୧୪ ମସିହାରେ ପଡୋଶୀକୁ ହତ୍ୟା ଅଭିଯୋଗରେ ରାଇରଙ୍ଗପୁର କୋର୍ଟ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ । ତେବେ ଜେଲ କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ, କଏଦୀ ଜଣକ ସାଇକୋସିସ୍ ଏବଂ ଟିବି ରୋଗରେ ପୀଡିତ ଥିଲେ । ଗତକାଲି ରାତିରେ କଏଦୀଙ୍କ ଦେହ ଅସୁସ୍ଥ ହେବାରୁ ଜେଲ କର୍ତ୍ତୃପକ୍ଷ ରାଇରଙ୍ଗପୁର ମେଡିକାଲରେ ଭର୍ତ୍ତି କରିଥିଲେ ।