ରାଇରଙ୍ଗପୁର: କରଞ୍ଜିଆ NAC ଭୁଲି ଗଲା କି ନୀତି ନିୟମ ! ବିକାଶ କରିବାକୁ ଯାଇ କିଛି ପରିବାରଙ୍କୁ ଠେଲିଦେଲାକୁ ହଇରାଣ ହରକତକୁ ? ଏଭଳି ସାଂଘାତିକ ଅଭିଯୋଗ ଆସିଛି ମୟୂରଭଞ୍ଜ ଜିଲ୍ଲା କରଞ୍ଜିଆ NAC ୧୨ ନମ୍ବର ୱାର୍ଡରୁ ।
ବିକାଶ କରିବାକୁ ଯାଇ ବିନାଶ କଲା କି? କରଞ୍ଜିଆ NAC
ଅଭିଯୋଗ ଅନୁସାରେ ନିକଟସ୍ଥ ମୋଡାଗାଡିଆ ପୋଖରୀର ପଙ୍କ ଉଦ୍ଧାର ପାଇଁ 2 ମାସ ତଳେ ଟେଣ୍ଡର ହୋଇଥିଲା । ତେବେ ପୋଖରୀରେ ପାଣି ଥିବାରୁ ଘାଇ କାଟି ପାଣି ଶୁଖାଯାଇବାକୁ ଯୋଜନା ହୋଇଥିଲା । ଆଉ ତାହା ମଧ୍ୟ ହୋଇଥିଲା । ହେଲେ ପୋଖରୀ ନିକଟରେ ଥିବା ବିଜୟ ଦେହୁରି ଓ ପଡୋଶୀଙ୍କ ଘରେ ଆସି ପଶିଥିଲା ପାଣି । ସ୍ଥିତି ଏପରି ହୋଇଥିଲା ଯେ ଘର, ଗୁହାଳ ସବୁ ପାଣି ପାଣି ହୋଇଯାଇଥିଲା । ଆଉ ଅଦିନରେ ଶୀତ ସମୟରେ ଘରେ ପାଣି ପଶିବା ପରେ ଦୁର୍ଦ୍ଦଶା କହିଲେ ନସରେ ।