ରାଇରଙ୍ଗପୁର: ଚେକିଂ ବେଳେ କରଞ୍ଜିଆ ପୋଲିସର ଦାଦାଗିରି ଦେଖିବାକୁ ମିଳିଛି । ପୋଲିସର ଲାଠି ମାଡ଼ରେ ଯୁବ ବ୍ୟବସାୟୀ ମୁଣ୍ଡ ଫାଟିଥିବା ଜଣାପଡିଛି । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ସାହାରପୋଡା ବାଇପାସ ଛକ ନିକଟରେ ।
ହେଲମେଟ ଚେକିଂ ବେଳେ ପୋଲିସର ଦାଦାଗିରି , ଲାଠି ମାଡରେ ଫାଟିଲା ଯୁବ ବ୍ୟବସାୟୀଙ୍କ ମୁଣ୍ଡ
ସୂଚନା ଅନୁସାରେ ଆଜି ସନ୍ଧ୍ୟା ୭ ଘଟିକା ସମୟରେ କରଞ୍ଜିଆ ଥାନା ପୋଲିସର ହେଲମେଟ ଓ ମାସ୍କ ଚେକିଂ ବେଳେ ଜଣେ ଯୁବ ବ୍ୟବସାୟୀ ନିଜ ଘରକୁ ଯାଉଥିବା ବେଳେ ପୋଲିସର ଲାଠି ମାଡର ଶିକାର ହୋଇଥିଲେ । ଫଳରେ ଯୁବକଙ୍କ ମୁଣ୍ଡ ଫାଟି ଯାଇଥିବା ଦେଖିବାକୁ ମିଳିଛି । ତାଙ୍କୁ ଚିକିତ୍ସା ପାଇଁ କରଞ୍ଜିଆ ଡ଼ାକ୍ତରଖାନାକୁ ଅଣାଯାଇଥିଲା। ତେବେ ଗତକାଲି ଶରତ ଥାନା ଅଞ୍ଚଳ ଘଟଣା ମନରୁ ନ ଲିଭୁଣୁ ପୁଣି ଥରେ ମୟୂରଭଞ୍ଜ ପୋଲିସର ଦାଦାଗିରି ସାମ୍ନାକୁ ଆସିଛି ।