ବାରିପଦା: ମୟୂରଭଞ୍ଜ ଜିଲ୍ଲାର କୁଳିଅଣା ଛକ ନିକଟରେ ହେଲମେଟ୍ ଚେକିଂ ସମୟରେ ପୋଲିସର ଲାଠି ମାଡ। ଏଥିରେ ସ୍ବାମୀ ସୁଦାମ ବାସ୍କେ ସାମାନ୍ୟ ଆହତ ହୋଇଥିବା ବେଳେ ଓ ସ୍ତ୍ରୀ ଆଲାଦି ବାସ୍କେ ଗୁରୁତର ଆହତ ହୋଇଛନ୍ତି। ଉଭୟ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲରେ ଚିକିତ୍ସିତ ହେଉଛନ୍ତି । ଆଲାଦିଙ୍କ ବାମ ଗୋଡଟି ଭାଙ୍ଗି ଯାଇଥିବା ଜଣାପଡିଛି ।
ହେଲମେଣ୍ଟ ଚେକିଂ ବେଳେ ପୋଲିସର ଦାଦାଗିରି, ଗାଡିରୁ ପଡି ଦମ୍ପତି ଗୁରୁତର
ତେବେ ଅଭିଯୋଗ ଅନୁଯାୟୀ, ମଙ୍ଗଳବାର ସନ୍ଧ୍ୟାରେ ବାରିପଦା ଠାରୁ ନିଜ ଘର ବିଶୋଇକୁ ଏକ ବାଇକ ଯୋଗେ ଯାଉଥିବା ସମୟରେ କୁଳିଅଣା ଠାରେ ଜଳଖିଆ କରିଥିଲେ । ଜଳଖିଆ ସାରି ୧୮ ନମ୍ବର ଜାତୀୟ ରାଜପଥ ଦେଇ ଯାଉଥିବା ସମୟରେ ଏକ ଅନ୍ଧାରୁଆ ସ୍ଥାନରେ ପୋଲିସ ହେଲମେଟ୍ ଚେକିଂ କରୁଥିବା ବାଇକ ଛିଡା କରିବା ପୂର୍ବରୁ ଜଣେ କାର୍ଯ୍ୟରତ ପୋଲିସ କର୍ମଚାରୀ ଲାଠିକୁ ଗାଡି ଉପରକୁ ଫିଙ୍ଗି ଦେଇଥିଲେ ।