ବାରିପଦା: ଜିଲ୍ଲା ବାଙ୍ଗରିପୋଷି ଥାନା ସୁନାପୋଷି ଗ୍ରାମର ଯୁବକ ବିମଲ ସିଂ ଗତ ଚାରି ଦିନ ଧରି ନିଖୋଜ ଥିଲେ । ତେବେ 4 ଦିନ ପରେ ବିମଲଙ୍କ ମୃତଦେହ ମିଳିବା ପରେ ପୋଲିସ 4 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଯୁବକଙ୍କୁ ହତ୍ୟା ଅଭିଯୋଗରେ 4 ଜଣଙ୍କୁ ଗିରଫ କଲା ପୋଲିସ
ବିମଲ ନିଖୋଜ ହେବା ପରେ ତାଙ୍କୁ ହତ୍ୟା କରାଯାଇଛି ବୋଲି ପିତା ରମେଶ ସିଂ ଏ ନେଇ ବାଙ୍ଗରିପୋଷି ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକଙ୍କୁ ତାଙ୍କ ଚାରିଜଣ ସାଙ୍ଗ ହତ୍ୟା କରିଥିବା ପୋଲିସ ତଦନ୍ତରୁ ଜଣାପଡ଼ିଛି । ଗାଁ ନିକଟ ପାହାଡ଼ ଉପର ସମସ୍ତେ ସାଙ୍ଗ ହୋଇ ଯାଇଥିବା ବେଳେ ପାହାଡ଼ ଉପରେ ସେଲ୍ଫି ନେଉଥିବା ବେଳେ ତାଙ୍କୁ ଯୋଜନାବଦ୍ଧ ଭାବେ ପଥରରେ ଚେଛି ହତ୍ୟା କରାଯାଇଥିଲା ।