ରାଇରଙ୍ଗପୁର: ସାରା ଦେଶର ଆଜି 74ତମ ସ୍ବାଧୀନତା ଦିବସ ପାଳନ କରୁଛି । ମୟୂରଭଞ୍ଜ ଜିଲ୍ଲା ବିଶୋଇ ଅଞ୍ଚଳରେ ସ୍ବାଧୀନତା ଦିବସ ଅବସରରେ ଚାରା ରୋପଣ କରି ମାତୃଭୂମିକୁ ସବୁଜ ସୁନ୍ଦର କରିବାର ଏକ ଛୋଟ ପ୍ରୟାସ କରିଛନ୍ତି ।
ସ୍ବାଧୀନତା ଦିବସ ଅବସରରେ 1500 ବୃକ୍ଷ ରୋପଣ
ମୟୂରଭଞ୍ଜ ଜିଲ୍ଲା ବିଶୋଇ ଅଞ୍ଚଳର ନେହେରୁ ଯୁବ କେନ୍ଦ୍ର ସଂଗଠନ ଶାଖା ତରଫରୁ ସମାଜସେବୀ ଦେବବ୍ରତ ସିଂ ଙ୍କ ପ୍ରୟାସରେ ମୁଖ୍ୟ ଅତିଥି ଭାବେ ବିଶୋଇ ରେଞ୍ଜର ପ୍ରଦୀପ କୁମାର ପୃଷ୍ଟି ଯୋଗଦେଇ ଚାରା ରୋପଣ କାର୍ଯ୍ୟକ୍ରମ ଆରମ୍ଭ କରିଛନ୍ତି । ପ୍ରଥମ ପର୍ଯ୍ୟାୟରେ ବିଶୋଇ ଅଞ୍ଚଳର ପାଞ୍ଚଟି କ୍ଳବ ଯଥା ସାରନା ମାର୍ଶାଲ ୟୁଥ କ୍ଲବ, ବାବା ଜଳେଶ୍ବର ୟୁଥ କ୍ଲବ ଏବଂ ଅନ୍ୟ ତିନୋଟି କ୍ଳବର ସହାୟତାରେ 1500 ଚାରା ରୋପଣ କରାଯାଇଛି । ବିଶୋଇ ରେଞ୍ଜର ମଧ୍ୟ ନିଜେ 15ଟି ଚାରା ରୋପଣ କରିଛନ୍ତି ।