ରାଇରାଙ୍ଗପୁର: ଶିମିଳିପାଳ ଜାତୀୟ ଉଦ୍ୟାନର ରାସ୍ତା ଅବ୍ୟବସ୍ଥାକୁ ନେଇ ରାସ୍ତା ଅବରୋଧ କରାଯାଇଛି । ମୟୂରଭଞ୍ଜର ଜୀବନରେଖା କୁହାଯାଉଥିବା ଶିମିଳିପାଳ ଜାତୀୟ ଉଦ୍ୟାନ ପର୍ଯ୍ୟଟକ ପାଇଁ ଶୁକ୍ରବାର ଖୋଲିଥିଲେ ମଧ୍ୟ ସେଠାରେ ଥିବା ଅବ୍ୟବସ୍ଥାକୁ ନେଇ ଶନିବାର ଜଶୀପୁର ବ୍ଳକର କାଳିକାପ୍ରସାଦ ନିକଟରେ ସ୍ଥାନୀୟ ଲୋକେ ରାସ୍ତା ଅବରୋଧ କରିଥିଲେ ।
ଶିମିଳିପାଳରେ ରାସ୍ତା ଅବ୍ୟବସ୍ଥା ନେଇ ରାସ୍ତା ଅବରୋଧ
ବିଶେଷ କରି ବରେଇପାଣି, ଗୁଡ଼ିଗୁଡ଼ିଆ ଓ ଅସ୍ତକୁମର ଲୋକଙ୍କ ସହିତ ସ୍ଥାନୀୟ ଲୋକପ୍ରତିନିଧି ମଧ୍ୟ ଶନିବାର ସକାଳ 9ଟା ସମୟରୁ କାଳିକା ପ୍ରସାଦ ଗେଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଯଶୀପୁର ଦେଇ ପର୍ଯ୍ୟଟକ ଭିତରକୁ ନଯାଇ ଅଟକି ରହିଛନ୍ତି । ଭିତରେ ଥିବା ବିଭିନ୍ନ ସମସ୍ୟା ନେଇ ଶନିବାର ରାସ୍ତା ଅବରୋଧ ହୋଇଛି ।