ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବଜାର ଡେଲି ମାର୍କେଟରେ ଅସମ୍ଭାଳ ଭିଡ଼ ହେଉଥିବା ଦେଖିବାକୁ ମିଳୁଛି । ଏଠାରେ ଉଭୟ ଗ୍ରାହକ ଓ ଦୋକାନୀ କୋରୋନା କଟକଣାକୁ ବେଖାତିର କରି ବିନା ମାସ୍କ ଓ ସାମାଜିକ ଦୂରତାରେ ପରିବା କିଣା ବିକା କରୁଥିବା ନଜରକୁ ଆସିଛି ।
ପରିବା ମାର୍କେଟର ଚିତ୍ର ଦେଖିଲେ ଲାଗୁଛି ଏ ଜଗତରେ କୋରୋନା ମହାମାରୀ ନାମକ କୌଣସି ଜିନିଷ ନାହିଁ, ଲୋକେ ନିର୍ଭୟରେ ସାମାନ୍ୟ ଦିନ ପରି ଭିଡ ଭିତରେ ଠେଲାପେଲା ହୋଇ ପରିବା କିଣି ନେଉଛନ୍ତି । ତେବେ କେହି ଜଣେ ବ୍ୟକ୍ତି ଯଦି କୋରୋନା ସଂକ୍ରମଣର ଭୟାବହତା ବିଷୟରେ ସଚେତନ ଅଛି ସେ ଏ ପରିବା ମାର୍କେଟର ଦୃଶ୍ୟ ଦେଖି ସହଜରେ କହିପାରିବ । ଏଠାରେ ଲୋକେ କୋରୋନାକୁ ଖୋଲା ନିମନ୍ତ୍ରଣ ଦେଉଛନ୍ତି ।
ପରିବା ମାର୍କେଟରେ ପ୍ରବଳ ଭିଡ, ସ୍ଥାନାନ୍ତର ଦାବି