ବାରିପଦା: ହାତୀ ଆକ୍ରମଣରେ ମୟୂରଭଞ୍ଜ ରେ ଜଣେ ମୃତ । ଜଙ୍ଗଲକୁ ଶୌଚ ହେବା ପାଇଁ ଯାଇଥିବା ବେଳେ ଦନ୍ତା ତାଙ୍କୁ ଦଳି ଦେଇଥିବା ଜଣାପଡିଛି ।
ମୟୂରଭଞ୍ଜରେ ଜଙ୍ଗଲୀ ହାତୀଙ୍କ ଉତ୍ପାତ, ଆକ୍ରମଣରେ ବୃଦ୍ଧ ମୃତ
ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜ ଅନ୍ତର୍ଗତ କୁକୁଡ଼ାଜୁଡ଼ି ଜଙ୍ଗଲରେ ରବିବାର ଦନ୍ତା ହାତୀ ଆକ୍ରମଣରେ ଜଣେ ବୃଦ୍ଧ ଙ୍କ ମୃତ୍ୟ ହୋଇଛି। ମୃତକ ଜଣଙ୍କ କୁକୁଡ଼ାଯୋଡି ଗାଁ ର ଚତୁର୍ଭୁଜ ନାୟକ ବୋଲି ଜଣାପଡିଛି। ବୃଦ୍ଧ ଜଣଙ୍କ ନିଜ ଗାଁ ପାଖ ଜଙ୍ଗଲକୁ ଶୌଚ ହେବାପାଇଁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ିଥିଲେ। ଦନ୍ତା ହାତୀ ସହ ବୃଦ୍ଧଙ୍କ ମୁହାଁ ମୁହିଁ ହେବା ପରେ ଦନ୍ତାଟି ବୃଦ୍ଧଙ୍କୁ ଦଳି ଦେଇଥିବା ଜଣାପଡିଛି।