ରାଇରଙ୍ଗପୁର: ବେଆଇନ ଦେଶୀ ମଦ ଚାଲାଣ ବେଳେ କାର ସହିତ ଜଣଙ୍କୁ ଗିରଫ କରିଛି କରଞ୍ଜିଆ ପୋଲିସ । ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ ସହରର ୫ ନମ୍ବର ୱାର୍ଡର ଶୈଲେସ ମୁଦୁଲି ନାମକ ଜନୈକ ଦେଶୀ ମଦ ବ୍ୟବସାୟୀ ଗିରଫ ହୋଇଥିବା ଜଣାପଡିଛି ।
ବେଆଇନ ଦେଶୀ ମଦ ଚାଲାଣ, କାର ସହିତ ଜଣେ ଗିରଫ
କରଞ୍ଜିଆ ଅଞ୍ଚଳରେ ଦୀର୍ଘ ଦିନ ଧରି ଚୋରା ମଦ କାରବାର ଚାଲୁଥିଲେ ମଧ୍ୟ ଅବକାରୀ ବିଭାଗ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ବେଳେ ଗୁରୁବାର କରଞ୍ଜିଆ ପୋଲିସ କୌଣସି ସୂତ୍ରରୁ ଖବର ପାଇ କରଞ୍ଜିଆ ବଜାର ନିକଟରେ ଜଗି ରହିଥିଲା । ମଦ ବ୍ୟବସାୟୀ ଜଣଙ୍କ ଏକ କାର ଯୋଗେ ଏକ ଟ୍ୟୁବ ମାଧ୍ୟମରେ ୧୦୦ ଲିଟରରୁ ଅଧିକ ମଦ ନେଇ ଯାଉଥିବା ବେଳେ କରଞ୍ଜିଆ ଉପଖଣ୍ଡ ପୋଲିସ ଅଧିକାରୀ ନାରାୟଣ ନାୟକଙ୍କ ନେତୃତ୍ତ୍ବରେ କରଞ୍ଜିଆ ଥାନା ପୋଲିସ ପକ୍ଷରୁ ଚଢ଼ାଉ କରିଥିଲା ।