ରାଇରଙ୍ଗପୁର: ବାଇକକୁ ପିଟିଲା ପିକଅପ ଭ୍ୟାନ । ଏହି ଘଟଣାରେ ବାଇକ ଆରୋହୀ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଜଶିପୁର ଥାନା ଅନ୍ତର୍ଗତ ୨୨୦ ନମ୍ବର ଜାତୀୟ ରାଜପଥ ପାଣ୍ଠଛକ ନିକଟରେ ।
ସୂଚନା ଅନୁଯାୟୀ, ଶୁକ୍ରବାର ସନ୍ଧ୍ୟା ୭ଟା ସମୟରେ ଜଶିପୁର ପଟୁ ସାନଗାଁକୁ ଏକ ବାଇକ ଯୋଗେ ତିନି ଜଣ ଆସୁଥିବା ବେଳେ ପାଣ୍ଠଛକ ନିକଟରେ ପିକଅପ ଭ୍ୟାନଟି ଧକ୍କା ଦେଇଥିଲା । ପିକଅପ ଭ୍ୟାନ ଧକ୍କା ଦେବା ଫଳରେ ଘଟଣାସ୍ଥଳରେ ଲିପୁନ ଦେହୁରୀ ନାମକ ବାଇକ ଆରୋହୀଙ୍କ ମୃତ୍ୟୁ ଘଟିଥିବା ବେଳେ ଲିକୁନ ମହାନ୍ତ ଏବଂ ଅର୍ଜୁନ ନାଏକ ନାମକ ଦୁଇ ଜଣ ଯୁବକ ଗୁରୁତର ଆହତ ହୋଇଛନ୍ତି ।