ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କରଞ୍ଜିଆ ଅଞ୍ଚଳରେ ଦେଖିବାକୁ ମିଳିଛି ଅଭାବନୀୟ ଘଟଣା। କରଞ୍ଜିଆ ଉପକାରାଗାରରୁ ହତ୍ୟା ଅଭିଯୁକ୍ତ କଏଦୀ ଭଗବାନ ଟୁଡୁ ଫେରାର ଘଟଣାକୁ ନେଇ ଜେଲ ୱାର୍ଡେନ ସୁକାନ୍ତ ବେହେରାଙ୍କୁ ପରୋକ୍ଷରେ ଦୋଷାରୋପ କରାଯାଇଥିଲା । ଏନେଇ ଗତ ୧୮ ତାରିଖ ଠାରୁ ସୁକାନ୍ତ ବେହେରା ନିଖୋଜ ଥିଲେ। ତେବେ ସୁକାନ୍ତଙ୍କ ପରିବାର ଲୋକେ ଏ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଥିଲେ।
ଭିଡିଓ ସୌଜନ୍ଯ: ପ୍ରତିନିଧି, ରାଇରଙ୍ଗପୁର
ତେବେ ଆଜି (ରବିବାର) କରଞ୍ଜିଆର ବାଉନଶାଳ ଜଙ୍ଗଲରୁ ସୁକାନ୍ତଙ୍କ ଗଳିତ ମୃତଦେହକୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । କେହି ଦୁର୍ବୃତ୍ତ ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି। ଏନେଇ କରଞ୍ଜିଆ ପୋଲିସ ସହ ବାରିପଦାରୁ ସାଇଣ୍ଟିଫିକ ଟିମ ଆସି ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।