ମୟୂରଭଞ୍ଜ: ବିଶ୍ବ ଆଦିବାସୀ ଦିବସ ଅବସରରେ ଆଦିବାସୀ ନେତା ସାଲଖାନ ମୁର୍ମୁଙ୍କ ଆହ୍ବାନ କ୍ରମେ ଆଦିବାସୀ ସେଙ୍ଗଲ ଅଭିଯାନ ଜିଲ୍ଲା ସମିତି ପକ୍ଷରୁ ଉଲଗୁଲାନ ସଂକଳ୍ପ ଦିବସ ରୂପେ ପାଳନ କରାଯାଇଅଛି । ଏହି ଉଲଗୁଲାନ ସଂକଳ୍ପ ଦିବସ ଅବସରରେ ଆଦିବାସୀ ମାନଙ୍କର ଭାଷା, ସଂସ୍କୃତି, ଜାତିଧର୍ମର ସୁରକ୍ଷା ଏବଂ ଆଦିବାସୀମାନଙ୍କର ଜୀବନ ରକ୍ତ ଓ ବିକାଶ ସହିତ ଜଡ଼ିତ 5ଟି ସମସ୍ୟାର ସମାଧାନ ପାଇଁ ଦାବି ହୋଇଛି ।
ତେବେ ବାରମ୍ବାର ଅନଶନ, ଆନ୍ଦୋଳନ ଜାରି ରହିଥିଲେ ସୁଦ୍ଧା ସାମ୍ବିଧାନିକ ମୁଖ୍ୟପଦବୀରେ 3 ଆଦିବାସୀ ନେତା ଥାଇ ମଧ୍ୟ ଆଦିବାସୀମାନଙ୍କର ବିକାଶ ଦିଗରେ କୌଣସି ସମସ୍ୟାର ସମାଧାନ ହେଉ ନଥିବା ଅଭିଯୋଗ ହୋଇଛି । ତେଣୁ ଝାଡଖଣ୍ଡ ରାଜ୍ୟର ମୁଖ୍ୟମନ୍ତ୍ରୀ ହେମନ୍ତ ସୋରେନ, ଝାଡଖଣ୍ଡ ରାଜ୍ୟର ରାଜ୍ୟପାଳ ଦ୍ରୋପଦୀ ମୁର୍ମୁ ଏବଂ ଝାଡଖଣ୍ଡ ରାଜ୍ୟ ବିଧାନସଭାର ବିରୋଧୀ ଦଳର ନେତା ବାବୁଲାଲ ମାଣ୍ଡିଙ୍କ କୁଶପୁତ୍ତଳିକା ଦାହ କରିଛନ୍ତି ମୟୂରଭଞ୍ଜ ଜିଲ୍ଲା ସାରସକଣା ବ୍ଲକସ୍ଥିତ ପୋଖରୀଆ ଗ୍ରାମପଞ୍ଚାୟତ ସମ୍ମୁଖରେ ।
ଆଦିବାସୀ ଦିବସରେ ବିଭିନ୍ନ ଦାବିନେଇ ଆଦିବାସୀ ନେତାଙ୍କ କୁଶପୁତ୍ତଳିକା ଦାହ