ବାରିପଦା: ୨ଦିନିଆ ମୟୂରଭଞ୍ଜ ଜିଲ୍ଲା ଗ୍ରସ୍ତରେ ରାଜ୍ୟପାଳ ପ୍ରଫେଶର ଗଣେଶୀ ଲାଲ । ରାଜଭବନରୁ କାର ଯୋଗେ ମୟୂରଭଞ୍ଜ ଜିଲ୍ଲାରେ ପହଞ୍ଚିଥିଲେ ରାଜ୍ୟପାଳ । ଗସ୍ତ ସମୟରେ କପ୍ତିପଦା ଉପଖଣ୍ଡର ଶାଳଚୁଆ ସ୍ଥିତ ସରକାରୀ ଉଚ୍ଚ ବିଦ୍ୟାଳୟର ରୌପ୍ୟ ଜୟନ୍ତୀ ସମାରୋହ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଏହାପରେ ଶ୍ୟାମାଖୁଣ୍ଟ ବ୍ଲକର ଗୁଣ୍ଡିହୁଡି ଠାରେ ଥିବା ଶ୍ରୀ ରାଧାକୃଷ୍ଣ ଗୋସେବା ସମିତିର ଏକ ନୂତନ ଗୋଶାଳା ଗୃହ ଉଦଘାଟନ କରିଛନ୍ତି ରାଜ୍ୟପାଳ ।
ଦୁଇ ଦିନିଆ ମୟୂରଭଞ୍ଜ ଗସ୍ତରେ ରାଜ୍ୟପାଳ
ଏହି ଅବସରରେ ସମାଜରେ ଗାଈର ମହତ୍ତ୍ୱକୁ ବ୍ୟାଖ୍ୟା କରି ରାଜ୍ୟପାଳ କହିଛନ୍ତି," ଗାଈକୁ ଯିଏ ପଶୁ ଭାବନ୍ତି ସେ ନିଜେ ଜଣେ ପଶୁ ତୁଲ୍ୟ । ଭାରତର ଅର୍ଥନୀତି କୃଷକ ଓ ଗୋପାଳକଙ୍କ ଉପରେ ନିର୍ଭର କରେ।" ଏହାପରେ ସନ୍ଧ୍ୟାରେ ମୋରଡା ବ୍ଲକ ଅନ୍ତର୍ଗତ ଗଡିଆ ଠାରେ ଥିବା ଚିନ୍ତାମଣି ବିଦ୍ୟାପୀଠର ସୁବର୍ଣ୍ଣ ଜୟନ୍ତୀ ସମାରୋହ କାର୍ଯ୍ୟକ୍ରମରେ ରାଜ୍ୟପାଳ ଯୋଗ ଦେଇଛନ୍ତି ।