ବାରିପଦା: ଉତ୍ତର ଓଡିଶା ବିଦ୍ୟାଳୟର ଶତାଧିକ ଇଣ୍ଟିଗ୍ରେଟେଡ଼ ବିଇଡି ଓ ଏମଇଡି ଛାତ୍ରଛାତ୍ରୀଙ୍କ ପଦଯାତ୍ରା ବୁଧବାର ଦ୍ବିତୀୟ ଦିନରେ ପହଞ୍ଚିଛି । ଛାତ୍ରଛାତ୍ରୀମାନେ ମଙ୍ଗଳବାର ଠାରୁ ବାରିପଦା ଉତ୍ତର ଓଡିଶା ବିଶ୍ଵ ବିଦ୍ୟାଳୟରୁ ବାହାରି ପ୍ରାୟ 30 କିଲୋମିଟରରୁ ଊର୍ଦ୍ଧ୍ବ ପଥ ଅତିକ୍ରମ କରିବା ପରେ ବୁଧବାର ବେତନଟୀଠାରେ ପହଞ୍ଚିଛନ୍ତି ।
ଦ୍ବିତୀୟ ଦିନରେ ଉତ୍ତର ଓଡିଶା ବିଶ୍ଵ ବିଦ୍ୟାଳୟ ଛାତ୍ରଛାତ୍ରୀଙ୍କ ପଦଯାତ୍ରା
ପଦଯାତ୍ରାରେ ଥିବା ଛାତ୍ରଛାତ୍ରୀମାନଙ୍କ ମଧ୍ୟରୁ କିଛି ଅସୁସ୍ଥ ହେବା ଫଳରେ ମଙ୍ଗଳବାର ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ସେମାନଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଛାତ୍ରଛାତ୍ରୀ ମାନେ ଗତ ନଭେମ୍ବର 5 ତାରିଖ ଦିନ ବାରିପଦା ତକତପୁରରେ ଥିବା ଉତ୍ତର ଓଡିଶା ବିଶ୍ବ ବିଦ୍ୟାଳୟ ସମ୍ମୁଖରୁ ବାହାରି ଭୁବନେଶ୍ବର ଅଭିମୁଖେ ପଦଯାତ୍ରା ଆରମ୍ଭ କରିଥିଲେ । ତେବେ ଜିଲ୍ଲାପାଳଙ୍କ ଲିଖିତ ପ୍ରତିଶ୍ରୁତି ପରେ ପଦଯାତ୍ରା ସ୍ଥଗିତ କରିଥିଲେ ଛାତ୍ରଛାତ୍ରୀ ।