ବାରିପଦା: ପୁଣି ଅଲୋଡା ହେଲା ଶିଶୁ କନ୍ୟା। । ଶିଶୁ କନ୍ୟାକୁ ଜନ୍ମ କରି ଅନ୍ତ ବୁଜୁଳା ସହ ଜଙ୍ଗଲରେ ଫିଙ୍ଗିଦେଲା ମା' । ଏହିଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜର ମୋରଡା ବ୍ଲକ ଭାଲିଆଡିହା ଗ୍ରାମପଞ୍ଚାୟତରେ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସୂଚନାମୁତାବକ, ଶନିବାର ସନ୍ଧ୍ୟା 7ଟା ସମୟରେ ଶୀତ କାକରରେ କେନ୍ଦୁଛାଟିଆ ଜଙ୍ଗଲରେ ପଡି ଛଟପଟ ହେଉଥିଲା ନବଜାତ ଶିଶୁ କନ୍ୟା । ଶିଶୁକୁ ଦେଖିବା ପାଇଁ ସ୍ଥାନୀୟ ଅଞ୍ଚଳର ଲୋକମାନେ ଭିଡ଼ ଜମାଇଥିଲେ । ପରେ ଶିଶୁଟିକୁ ଉଦ୍ଧାର କରାଯାଇ ପ୍ରଥମେ କିଷାନତାଣ୍ଡି ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଏହା ପରେ ତାର ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାକୁ ବାରିପଦା ସ୍ଥିତ ପିଆରଏମ ମେଡିକାଲ ନିଆଯାଇଥିଲା । ଶିଶୁ କନ୍ୟାଟିର ଚିକିତ୍ସା ଚାଲିଥିବାବେଳେ ତାର ସ୍ବାସ୍ଥ୍ୟାବସ୍ଥା ଠିକ ଥିବା ଡାକ୍ତର କହିଛନ୍ତି ।