ରାଇରଙ୍ଗପୁର: ଜମି ବିବାଦକୁ ନେଇ ଜଙ୍ଘନ୍ୟକାଣ୍ଡ । ପୁତୁରାର ଟାଙ୍ଗିଆ ଚୋଟରେ ଦାଦା ମୃତ। ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ଅନ୍ତର୍ଗତ ଜାମପାଣି ଗାଁରେ ଏଭଳି ଏକ ବିଭତ୍ସ ହତ୍ୟାକାଣ୍ଡ ଘଟିଛି। ମୃତକ ହେଲେ ଝାଡଖଣ୍ଡର ଡୁମୁରିଆ ଠାରେ ଶିକ୍ଷକତା କରୁଥିବା ଉକ୍ତ ଗାଁର ଶୁକଦେବ ମାରାଣ୍ଡି ।
ଜମି ବିବାଦରୁ ହତ୍ୟାକାଣ୍ଡ:ଦାଦାକୁ ଟାଙ୍ଗିଆରେ ମାରିଲା ପୁତୁରା
ଜାମବଣି ଗାଁରେ ଜମି ବିବାଦ ଲାଗି ରହିଥିବାରୁ ଶୁକଦେବ ମାରାଣ୍ଡି ବିଲକୁ ଯାଇଥିଲେ । ଏହି ସମୟରେ ତାଙ୍କୁ ଏକ ଟାଙ୍ଗିଆରେ ହାଣି ଅତି ନିର୍ମମ ଭାବେ ହତ୍ୟା କରାଯାଇଥିଲା । ଯାହାର ଖବର ପାଇ ଗୋରୁମହିଷାଣୀ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି । ସେପଟେ, ମୁଖ୍ୟ ଅଭିଯୁକ୍ତ ତଥା ପୁତୁରା ଜଣକ ହତ୍ୟାକାଣ୍ଡ କରିଥିବା ନେଇ ସ୍ବୀକାର କରିବା ପରେ ଗୋରୁମହିଷାଣୀ ପୋଲିସ ତାକୁ ଗିରଫ କରିବା ସହ ପଚରା ଉଚରା ଜାରି ରଖିଛି ।