ବାରିପଦା: ଦିନକୁ ଦିନ ବେଲଗାମ ହେବାରେ ଲାଗିଥିବା ବର୍ଦ୍ଧିତ ତୈଳ ଦର ବିରୋଧରେ ଦେଶବ୍ୟାପୀ କଂଗ୍ରେସର ପ୍ରତିବାଦ । ଏନେଇ ମଙ୍ଗଳବାର ମୟୂରଭଞ୍ଜ ଜିଲ୍ଲା ମୋରଡା ବ୍ଲକ କଂଗ୍ରେସ ପକ୍ଷରୁ ତୈଳ ଦର ବୃଦ୍ଧି ବିରୋଧରେ ବିଡିଓଙ୍କ ଜରିଆରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି ।
ମୋରଡା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀ ପ୍ରଭାସ କର ମହାପାତ୍ରଙ୍କ ନେତୃତ୍ବରେ କଂଗ୍ରେସ କର୍ମୀମାନେ ଏକତ୍ର ହୋଇ ମୋରଡା ବ୍ଲକ ଚିତ୍ରଡା ଜଗନ୍ନାଥ ମନ୍ଦିର ନିକଟରୁ ରାଲି ଆରମ୍ଭ କରିଥିଲେ । ଏହି ରାଲିରେ ରାଷ୍ଟ୍ରପତିଙ୍କ ଉଦ୍ଦେଶ୍ୟେ ମୋରଡା ବ୍ଲକ ବିଡିଓଙ୍କ ଜରିଆରେ ଏକ ଦାବିପତ୍ର ପ୍ରଦାନ କରାଯାଇଛି । ତେବେ ଗୋଟିଏ ପଟେ କୋରୋନା ସଂକ୍ରମଣ ବଢିବାରେ ଲାଗିଥିବା ବେଳେ ଅନ୍ୟପଟେ ସରକାରଙ୍କ ତୈଳ ଦର ବୃଦ୍ଧି ଲୋକଙ୍କ ଅସୁବିଧାକୁ ଦ୍ବିଗୁଣିତ କରୁଥିବା କଂଗ୍ରେସ ଅଭିଯୋଗ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ