ରାଇରଙ୍ଗପୁର: ପୂର୍ବ ଶତ୍ରୁତାକୁ କେନ୍ଦ୍ରକରି ତୀର ମାଡ । ତେବେ ଏହି ତୀର ମାଡ଼ରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ଜଣାପଡିଛି । ଏପରି ଏକ ଅଭାବନୀୟ ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ଅଧୀନ କୁକୁଡିମୁଣ୍ଡି ଗ୍ରାମରେ ଘଟଣା ଘଟିଛି ।
ପୂର୍ବ ଶତ୍ରୁତାରୁ ତୀର ମାଡ, ଜଣେ ମୃତ
ସୂଚନା ଅନୁଯାୟୀ, ଗତକାଲି(ମଙ୍ଗଳବାର) ସନ୍ଧ୍ୟା ୭ ସମୟରେ କୁକୁଡିମୁଣ୍ଡି ଗ୍ରାମର ସମରା ଦେହୁରୀ ନିଜ ଘର ବାହାରେ ସପରିବାର ସହ ଛିଡ଼ା ହୋଇଥିବା ବେଳେ ସେହି ଗ୍ରାମର ଛୋଟରାୟ ଦେହୁରୀ ଅଚାନକ ତାଙ୍କ ଉପରକୁ ତୀର ମାଡ଼ କରିଥିଲେ । ତୀରଟି ତାଙ୍କ ଛାତିରେ ବାଜି ପିଠି ପଟେ ବାହାରି ଯାଇଥିଲା । ଫଳରେ ତାଙ୍କୁ ଗୁରୁତର ଅବସ୍ଥାରେ ତୁରନ୍ତ ରାଇରଙ୍ଗପୁର ଡାକ୍ତରଖାନା ଅଣାଯାଇଥିଲା, ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।