ରାଇରଙ୍ଗପୁର : ଦୁଇ ଜଣ ନାବାଳିକାଙ୍କୁ ଅପହରଣ କରି ନେଇଥିବା ନେଇ ଥାନାରେ ମାମଲା। ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନରେ ଥିବା ହାଟବାଦଡା ଫାଣ୍ଡିରେ ଏପରି ଅଭିଯୋଗ ହୋଇଥିବା ଜଣାପଡିଛି।
ନାବାଳିକା ଅପହରଣ ନେଇ ଥାନାରେ ଏତଲା, ତଦନ୍ତ ଆରମ୍ଭ
ସୂଚନା ଅନୁଯାୟୀ, ସେପ୍ଟେମ୍ବର ମାସ ୨୫ ତାରିଖ ବୁଧବାର ଦିନ ହାଟବାଦଡା ଅଞ୍ଚଳର ଦୁଇ ସମ୍ପର୍କୀୟା ଭଉଣୀ ଘରୁ ସ୍କୁଲକୁ ଯାଇଥିବା ବେଳେ ସ୍କୁଲ ଛୁଟି ପରେ ଆଉ ଘରକୁ ଫେରି ନଥିଲେ। ପରିବାର ଲୋକେ ଉଭୟଙ୍କୁ ଖୋଜାଖୋଜି କରି ମଧ୍ୟ ପାଇନଥିଲେ।
ଏନେଇ ସେପ୍ଟେମ୍ବର ମାସ ୨୬ ତାରିଖ ଗୁରୁବାର ଦିନ ୩ଟା ପାଖାପାଖି ନାବାଳିକାଙ୍କ ଜେଜେ ବାପା ନାତୁଣୀ ମାନଙ୍କୁ କେହି ଅପହରଣ କରି ନେଇଥିବା ସନ୍ଦେହ କରି ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନ ହାଟବାଦଡା ଫାଣ୍ଡିରେ ଏତଲା ଦେଇଥିଲେ।