ବାରିପଦା: ପୋଖରୀରେ ବୁଡ଼ି ଜଣେ ନାବାଳକ ଶିଶୁର ମୃତ୍ୟୁ ହୋଇଛି । ଏଭଳି ଦୃଶ୍ୟ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ମୋରଡ଼ା ଥାନା ଗୁହାଳଡ଼ିହା ଗ୍ରାମରେ । ସୂଚନା ଅନୁଯାୟୀ ଗୁହାଳଡ଼ିହା ଗ୍ରାମର ରାମେଶ୍ୱର ସିଂଙ୍କ ନାବାଳକ ପୁଅ ଜୀତ ସିଂ (୮) ଘର ପାଖରେ ଥିବା ପୋଖରୀ ପାଖକୁ ଚାଲିଯାଇଥିଲା । ତେବେ ଜୀତ ପୋଖରୀ ପାଖକୁ ଯିବା ପରିବାର ବର୍ଗ କେହି ବି ଦେଖି ନଥିଲେ ।
ହେଲେ ବହୁ ସମୟ ଧରି ଜୀତ ଘର ଭିତରେ ନଥିବାର ଦେଖି ପରିବାର ଲୋକେ ଖୋଜାଖୋଜି କରିଥିଲେ । କିନ୍ତୁ ପୁଅକୁ ପାଇନଥିଲେ । କିଛି ସମୟ ପରେ ସନ୍ଦେହ କରି ପୋଖରୀ ଆଡ଼କୁ ପରିବାର ଲୋକେ ଯାଇଥିଲେ । ସେଠାରେ ପୁଅ ଭାସୁଥିବାର ଦେଖି ଗ୍ରାମବାସୂଙ୍କୁ ଡାକିଥିଲେ । ଏହାପରେ ଗ୍ରାମବାସୂ ଜୀତଙ୍କୁ ଉଦ୍ଧାର କରି ନିକଟସ୍ଥ କିଶାନତାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଯାଇଥିଲେ ।