ପୋଲିସ ପଞ୍ଝାରେ ଆନ୍ତଃରାଜ୍ୟ ଡକାୟତ ଗ୍ୟାଙ୍ଗ, ପିସ୍ତଲ ସହ ବହୁ ମାରଣାସ୍ତ୍ର ଜବତ

ଡ଼କାୟତି ଉଦ୍ୟମ କରୁଥିବା ବେଳେ ୯ ଜଣିଆ ଡକାୟତ ଗ୍ୟାଙ୍ଗକୁ ଧରିଲା ମୟୂରଭଞ୍ଜ ପୋଲିସ । ଅଧିକ ପଢନ୍ତୁ...

ରାଇରଙ୍ଗପୁର: ମୟୂରଭଞ୍ଜ ପୋଲିସକୁ ସଫଳତା । ଆନ୍ତଃରାଜ୍ୟ ଡକାୟତ ଗ୍ୟାଙ୍ଗକୁ ଧରିବାରେ ସଫଳ ହୋଇଛି ମୟୂରଭଞ୍ଜ ପୋଲିସ। ରବିବାର ବିଳମ୍ବିତ ରାତିରେ ମୟୂରଭଞ୍ଜ ଜିଲ୍ଲାର ଘାଗରବେଡା ଥାନା ଅନ୍ତର୍ଗତ ଘାଗରବେଡା ଅଞ୍ଚଳର ଜନୈକ ବ୍ୟବସାୟୀଙ୍କ ଘରେ ଡ଼କାୟତି ଉଦ୍ୟମ କରୁଥିବା ବେଳେ ୯ ଜଣ ଡକାୟତଙ୍କୁ ଧରିଥିଲା ଘାଗରବେଡା ଥାନା ପୋଲିସ। ତେବେ ସେମାନଙ୍କ ନିକଟରୁ ଗୋଟିଏ ଟାଟା ସଫାରି ଗାଡ଼ି, ଗୋଟିଏ ଅଟୋ ଓ ଗୋଟିଏ ଦେଶୀ ପିସ୍ତଲ ସମେତ ବହୁ ମାରଣାସ୍ତ୍ର ଜବତ କରିଛି ଘାଗରବେଡା ଥାନା ପୋଲିସ।

ଉକ୍ତ ଗ୍ୟାଙ୍ଗରେ ଝାଡଖଣ୍ଡ ରାଜ୍ୟର ୫ଜଣ ଡକାୟତ ଥିବା ବେଳେ ଓଡିଶା ରାଜ୍ୟର ଚାରିଜଣ ଡକାୟତ ଥିବା ପୋଲିସ ପକ୍ଷରୁ ସୂଚନା ମିଳିଛି । ଏ ନେଇ ଘାଗରବେଡା ଥାନାରେ ବିଭିନ୍ନ ଦଫାରେ ଏକ ମାମଲା ରୁଜୁକରି ସମସ୍ତଙ୍କୁ ଗତକାଲି ରାତିରେ କରଞ୍ଜିଆ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି। ତେବେ କରଞ୍ଜିଆ ଉପଖଣ୍ଡ ପୋଲିସ ଅଧିକାରୀ ସୁଦର୍ଶନ ଗାଙ୍ଗୋଇ ଏକ ସାମ୍ବାଦିକ ସମ୍ମିଳନୀ ଯୋଗେ ସୂଚନା ଦେଇଛନ୍ତି ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ