ବାରିପଦା: ମୟୂରଭଞ୍ଜ ଜିଲ୍ଲା ଝାରପୋଖରିଆ ଥାନା ଅଞ୍ଚଳରୁ ସୋଲାର ବ୍ୟାଟେରୀ ଚୋରି କରି ଜେଲ ଗଲେ ତିନି ଅଭିଯୁକ୍ତ । ଗିରଫ ହୋଇଥିବା 3 ଜଣଙ୍କ ମଧ୍ୟରୁ 2 ଜଣ ଯୁବକ ହେଲେ ବଡ଼ଶଳ ଗ୍ରାମର ଦୀପକ ନାଏକ (25), ବୁଧରାୟ ସିଂ(25) ଓ ଝାରପୋଖରିଆ (ଅନ୍ଧାରି) ଅଞ୍ଚଳର ରାଜମତି ଚୌହାନ(45) । ପ୍ରକାଶ ଥାଉ କି, ରାଜମତି ସୁଦୂର ଉତ୍ତରପ୍ରଦେଶରୁ ଆସି ଝାରପୋଖରିଆ ଅଞ୍ଚଳରେ ମାଲଗୋଦାମ କରି ପୂର୍ବରୁ ଚୋରି ମାଲ କିଣାବିକା କରୁଥିଲା । ହେଲେ ପ୍ରମାଣ ଅଭାବରୁ ପୋଲିସ ହାତରୁ ବାରମ୍ବାର ବର୍ତ୍ତି ଯାଉଥିଲା ।
ତେବେ ଦୁଇ ଦିନ ପୂର୍ବରୁ ରାତିରେ କେହି ଦୁର୍ବୃତ୍ତ ଘଣ୍ଟିଆବୁଡା ମନ୍ଦିର ପରିସରରୁ ଗୋଟିଏ 12ଭୋଲ୍ଟର ସୋଲାର ବ୍ୟାଟେରୀ ଚୋରି କରି ନେଇଥିବାର ଅଭିଯୋଗ କରିଥିଲେ ଗ୍ରାମବାସୀ। ଝାରପୋଖରିଆ ପୋଲିସ ଲିଖିତ ଅଭିଯୋଗ ପାଇବା ପରେ ଚୋରି ଘଟଣାର ଛାନଭିନ ଆରମ୍ଭ କରି ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଫଳରେ ସମ୍ପୃକ୍ତ 2 ବ୍ୟାଟେରୀ ଚୋର ଓ ଚୋରି ଜିନିଷ କିଣାବିକା କରୁଥିବା ଜଣେ ମହିଳାଙ୍କୁ ଗିରଫ କରିବା ସହିତ ମୋଟ 6 ଟି ଚୋରା ବ୍ୟାଟେରୀ ଜବତ କରିଥିଲା ।