ରାଇରଙ୍ଗପୁର: ଆସନ୍ତାକାଲି(ଗୁରୁବାର) ଅନୁଷ୍ଠିତ ହେବ ପୌର ନିର୍ବାଚନ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ପୌରପରିଷଦରେ ହେବ ପୌର ନିର୍ବାଚନ। ପୌରାଞ୍ଚଳର ଲୋକେ ନିଜ ନିଜର ମତଦାନ ସାବ୍ୟସ୍ତ କରିବେ । ଏନେଇ ରାଇରଙ୍ଗପୁର ଉପଖଣ୍ଡ ପ୍ରଶାସନ ପକ୍ଷରୁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ତେବେ ସମସ୍ତ ପୁଲିଙ୍ଗ ଅଫିସର, ପୁଲିଙ୍କ ପାର୍ଟି ଇଭିଏମ ମେସିନ ଧରି ନିଜ ନିଜ ବୁଥ ରେ ପହଞ୍ଚି ଯାଇଛନ୍ତି । ମୟୂରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ ଓ ମୟୂରଭଞ୍ଜ ଏସପି ରିଶିକେଶ ଖିଲାରୀ ଧ୍ୟାନଦେଓ ରାଇରଙ୍ଗପୁର ପରିଦର୍ଶନରେ ଆସି ନିର୍ବାଚନ କାର୍ଯ୍ୟର ତଦାରଖ କରିଥିଲେ ।
ତେବେ ଶାନ୍ତି ଶୃଙ୍ଖଳା ସହ ସୁରୁଖୁରୁରେ କିପରି ମତଦାନ ସମ୍ପନ୍ନ ହୋଇ ପାରିବ ସେ ନେଇ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ସେପଟେ ରାଇରଙ୍ଗପୁର ପୌରପରିଷଦର ସମସ୍ତ ୧୫ ଗୋଟି ୱାର୍ଡ ପାଇଁ ୨୨ଟି ବୁଥ ରହିଥିବା ବେଳେ ସେଥି ମଧ୍ୟରୁ ୩ଟି ପିଙ୍କ ବୁଥ ଓ ୩ଟି ମଡେଲ ବୁଥ ରହିଛି। ତେବେ ପୁରୁଣାଘାଟି ୮ ନଂ ୱାର୍ଡରେ ଦୁଇଟି, ରାଇରଙ୍ଗପୁର ବାଳକ ଉଚ୍ଚ ବିଦ୍ୟାଳୟରେ ଗୋଟିଏ ପିଙ୍କ ବୁଥ କରାଯାଇଛି ।