ବାରିପଦା: ପୁଣି ୩୨ ଜଣ କୋରୋନା ପଜିଟିଭ ଚିହ୍ନଟ । ମୟୂରଭଞ୍ଜ ଜିଲ୍ଲାରୁ ଶୁକ୍ରବାର ପୁଣି ୩୨ ଜଣ କୋରୋନା ପଜିଟିଭ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି । ଜିଲ୍ଲାରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା ୫୩୦ରେ ପହଞ୍ଚିଛି ଶୁକ୍ରବାର ମୟୂରଭଞ୍ଜ ଜିଲ୍ଲାରେ ଚିହ୍ନଟ ହୋଇଥିବା ୩୨ ଜଣଙ୍କ ମଧ୍ୟରୁ ୯ ଜଣ କ୍ବାରେଣ୍ଟାଇନ ସେଣ୍ଟର, ଦୁଇ ଜଣ ହୋମ କ୍ବାରେଣ୍ଟାଇନ, ୧୫ ଜଣ ସ୍ଥାନୀୟ ଅଞ୍ଚଳରୁ ଏବଂ ଛଅ ଜଣ କୋଭିଡ ଯୋଦ୍ଧା ପଜିଟିଭ ଚିହ୍ନଟ ହୋଇଛନ୍ତି ।
ଚିହ୍ନଟ ୩୨ ଜଣକ ମଧ୍ୟରୁ କପ୍ତିପଦା ବ୍ଲକରୁ ଜଣେ, ଖୁଣ୍ଟା ବ୍ଲକରୁ ଦୁଇ ଜଣ,ଜଶିପୁର, ବାଙ୍ଗରିପୋଷି, ଉଦଳା ବ୍ଲକରୁ ତିନି ଜଣ, ବେତନଟୀ ବ୍ଲକ ଏବଂ ବାରିପଦା ସହରରୁ ଚାରିଜଣ, କରଞ୍ଜିଆ ବ୍ଲକ ରୁ ପାଞ୍ଚ ଜଣ, ଶୁକ୍ରୁଲିରୁ ସାତଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଶୁକ୍ରବାର ଚିହ୍ନଟଙ୍କ ମଧ୍ୟରୁ କର୍ଣ୍ଣାଟକରୁ ଜଣେ, ତାମିଲନାଡୁ ରୁ ଦୁଇ ଜଣ,ତେଲେଙ୍ଗାନା ରୁ ୫ ଜଣ, ରାଜସ୍ଥାନ ରୁ ଜଣେ, ଝାରଖଣ୍ଡରୁ ଜଣେ, ନୂଆଦିଲ୍ଲୀରୁ ଜଣେ ଲେଖାଏଁ ଫେରିଥିବା ଜଣାପଡିଛି ।